Шокталте, гармонь, шокталте…

Кажне калыкын музыкальный культурыштыжо шке ойыртемже уло. Татар-влак коклаште ожсек музикан сем почеш куштымаш чапланен. Варарак баян да аккордеон дене шоктышо-влак ушненыт. Музиканче - ялыште икымше качымарий, а музикан деч посна ик пайремат огеш эрте.
Татарбай ялыште ынде кумшо гана «Шокталте, гармонь, шокталте!» виш районный фестиваль эрта. Тушко кажне гана участник-влак шукырак да шукырак чумыргат. Тений участник-влак Балтач да Мишкан районла гыч, Бдаговещенск да Бирск олала гыч лийыныт.
Конкурсын участникше-влакым Мавлют сельсовет СП вуйлатыше Ильмир Муртазин саламлен. Тудо чылалан пайремым веселан эртараш, а музиканче-влаклан сенымашым тыланен. Варажым художественный самодеятельностьын чолга участникше-влак, «Шокталте, гармонь, шокталте!» пайремын икымше организаторжо-влак Ильхам Ахматзянов ден Ляйсан Бариновалан Мишкан районысо тўвыра пєлкан Тауштыме серышыжым кучыктымо. «Шуко шєрынан талант» конкурсын участникше-влак - Лилия Хизяева кокымшо степенян диплом дене, Гульназ Галиакбарова участвоватлымылан диплом дене палемдалтыныт.
Пайрем мероприятийым районысо Культура дворецын гармонистше-влак Данил Аслямов ден Динар Назмутдинов почыныт. Мероприятийым Алия Муртазина вўден.
16 уста музиканче коклаште пеш тале танасымаш лийын. Кажныже «мый эн сай улам» манын ончыкташ тыршен. Но жюри сай-влак коклаште эшеат сайракшым ойырен мошта. Ааклыме пашам БР культурын заслуженный пашаенже, Культура дворецын аккомпаниаторжо Данил Аслямов (председатель), районысо Культура дворецын аккомпаниаторжо Динар Назмутдинов, Веррхне-Яркеево села гыч йоча искусство школышто баян дене шокташ туныктышо преподаватьель Ришат Абдуллин (Татарбай ялын шочшыжо), «Саф чишмэ» вокальный ансамбльын вуйлатышыже да аккомпаниаторжо Маглума Ахматгалиева кажне выступленийым тўткын колыштыныт да онченыт. Гармонист-влакын изи гына йонылышыштат ужылтде кодын огыл.
Мыланем, тыглай ончышо енлан, кажне выступлений пеш чот келшен. Музиканче-влак чон пыштен шоктеныт. Залыште шинчыше-влак кажныжлан совым рўж кыреныт, семышт почеш муралтенат, кушталтенат колтеныт.
Кунам сценышке Чорай гыч Олег Шаймарданов (73 ияш)лектын, залыште шинчыше-влак эсогыл кынел шогалын кидыштым совеныт. Мут толмашеш, тудо чыла тўрлє музиканым шке олмыкта. Ийгот шо кугу гынат, музиканче сценыште шкенжым пеш правор куча, эсогыл такмак-влакымат йонгалтарыш.
Карач ял гыч Данил Зиннуров изиш рвезырак улеш. Монар гыч музиканче Юрий Иликаев поснак ойыртемалтын. Тудо афган сарын участникше улеш.
- Тудо сарыштат музиканжым пелен кондыштьын, - палдарыш Юрийын йолташыже.
Эн самырык участник Благовещенск ола гыч Никита Аликаев лийын. Тудлан 14 ий гына. Рвезе Монар ялыште шочын, но кызыт Благовещенскыште ила. Конкурсышто участвоватлаш кужу корным корнынгай машина-влак дене толын. Музиканым кугурак йолташыже-влак деч удан огыл шоктен. Тудын чылажат ончылно, эше шуко конкурс да сенымаш-влак вучат манын ўшанен кодына.
Мероприятийыште еш дене участвоватлыше-влакат лийыныт. Карасим ял гыч ача ден эрге Иьдус ден Илюс Ахуновмыт. Мут толмашеш, нуно коктынат призовой верыш лектыныт: Илюс икымше степенян дипломым, Ильдус - кумшо степеняным налыныт. Газетнан кодшо номерыштыже ме Илюс Ахуновын фотожым икымше лаштыкыште пуэнна ыле. Тиде еш мыйын шочмо ялем гыч, сандене нуным сайын палем. Сурт оза вате Флюра пеш сайын мура, икшывышт-влак чылан мурат да тўрлє инструм ент дене шок тат.
Иштыбай гыч музиканче-влак шукын лийыныт: Насих Галиаскаров, Данил Шаки ров сылне семышт дене куандареныт. Ардаш гыч Хамитовмыт еш ансамбльым куанен ончымо. Нуно шкеныштым эре кўшнє кучат, тиде ганат кокымшо вер дене палемдалтыныт. Се‰ышыш гармонист-влак ансамбль (вуйлатыше Ю. Иликаев) лектын.
Солист-влак коклаште кумшо степенян диплом дене Ильдус Ахунов (Карасим ял), Халит Хамидуллин (Татарбай ял), Олег Шаймарданов (Чорай села) палемдалтыныт. Ший призер лийыныт: Анвар Ахатов (Бабая ял), Денис Андриянов (Чорай села), Юрий Иликаев (Монар ял). Моло участник-влак диплом да шергакан пєлек дене палемдалтыныт.
Пайрем мероприятийын кокымшо ужашыжым концерт программа сєрастарен. Шке сылне мурышт дене залыште шинчыше-влакым Ильфак Арсланов, Алия Муртазина, Лилия Хизяева, Зулькифа Нургалиева, Гульназ Галиакбарова, Наиля Аглямова, Илюса Фазылбекова, Флюза ден Ришат Абдуллинмыт, Дилара Садирова, Татарбай СДК-н «Ак калфак» да «Саф чишмэ» вокальный ансамбльже-влак куандареныт.
Пайрем мероприятий деч вара «Акарт» ансамбльын вуйлатышыже Владимир Ильич Хамитов шке шонымашыж дене палдарыш:
- Тиде конкурсышто участвоватлымылан пеш куаненам. Чылажат пеш келшен. Оза-влак моткоч поро улыт, мероприятийым пеш сайын организоватленыт. Тыгай конкурсышто огыл гын, кушто эше тыгай уста гармонист-влакым ужат? Мемнам ўжмыштлан пеш кугу тау!
Конкурс эртен, поро шарнымаш кодын. Ме ўшанена, тыгай уста-влак улмо годым музикан, баян, аккордеон эше кужу жап илаш тўналыт.