«Ший мундыра»

27 октябрьыште Благовещенск, Дєртыльє, Калтаса, Краснокам, Кушнаренке, Мишкан, Стерлитамак да Шаран районла гыч 14 финн-угор фольклор коллектив толын.
Тиде кечын Марий историй да тўвыра рўдер ончылсо площадкыште сылне пайрем вургемым чийыше ен-влак эр годсек вўдла йогат. Автобус икте почеш весе толын чарна, изи машина-влакат толынак шогат. Этнофестивальыште чылаже 300 утла творческий ен участвоватлен. Тиде кечын пайремым ончаш толшо-влак марий, удмурт, мордва калык йўла-влак дене палыме лийыныт.
Пайрем мероприятий йыргешке ўстел йыр мутланымаш гыч тў‰алын. Мутланымашын темыже - «Фольклорист, краевед да фольклор коллектив-влакын представительыштын участвоватлымышт дене финн-угор калык-влакын йўлаштышт посна атрибут-влакын верышт да рольышт». Йыргешке ўстел йыр чумыргышо-влак шке паша опытышт дене палдареныт, посна доклад-влакым колыштыныт. Участник-влак историй да тўвыра рўдерын фоештыже верланыше калык промысел, кид паша-влак выставкым онченыт. Тыште мом гына ужаш да налаш лийын огыл. Тыгай поян выставка эше ик гана пе‰гыдемден, мемнан кундемыште моткоч уста, талантан ен-влак илат. Кумылан ен ты кечын шкалан келшыше тўрлє арверым, мутлан ший окса гыч ыштыме согам, кидшолым, чокан ўштым, потам да молымат налын кертыныт. Вет мурым, куштымашым, сылне семым ен-влак телефонешышт войзен, ушешышт шы‰дарен гына мєнгє нангаен кертыныт гын, кидмастар-влакын пашашт тиде мероприятийым эше шуко жап шарныкташ тўналеш. Мый тыгай выставкым кеч-могай пайремым сєрастарыше эн тўн верлан шотлем. Калтаса район гыч толшо кидмастар Дина Головко дене мутым вашталтышым. Тудо Калмаш ялысе библиотекыште пашам ышта. Яра жапыштыже йєратыме пашажым шукта. Дина Петровнан уста кидше йымач лекше сєрастарыш, серлагыш да моло сылне арверым тиде кечын шуко ўдырамаш налын.
Этнофестиваль калык йўлам, тўвырам арален да пойдарен шогышо, эн уста фольклор коллектьив-влакым чумырен. Конкурсный программыште коллектив-влак калык пайрем, еш йўла-влакым ончыктеныт. Кажне выступленийже муро, куштымаш, модмаш-влак дене пойдаралтын. Кажне коллективын выступленийже икте-весышт деч чот ойыртемалтын. Коллектив-влакын выступленийыштым да декоративно-прикладной искусство конкурсым компетентный жюри аклен.
Жюри председатель Нэркэс Хуббитдинова - филологий наука доктор, Мифтахетдин Акмулла лўмеш Башкирский государственный педагогический институтын пошкырт фольклорым научно шымлыше рўдерын тў‰ научный пашаенже. Жюрий членыште лийыныт: Башкортостан Республикын сулло артистше, Стерлитамакысе государственно театрально- концертный ушемын балетмейстер-постановщикше, Башкортостан Республикысе тўвыра да сымыктыш государственный учрежденийын культура да искусство республиканский колледжын кўкшє категориян преподавательже Рустем Хайруллин, М. В. Нестеров лўмеш Башкирский государственный художественный музейын пашаенже, «Пошкырт калык творчество» да «Декоративно-прикладной искусство» коллекций-влакым аралымылан вуйын шогышо Эльвира Мамлеева, фольклорист-шымлызе, «Урал» научно-образовательный, культурный да социальный инициативым вия‰дыме АНО вуйлатыше Марат Гильванов, Чорай ялысе марий гтимназийыште марий йылмым да литературым туныктышо Анжелика Юзукбаева. Жюрин ответственный секретарьже - Калык творчество республиканский рўдерын регион-влак кокласе да тўнямбал кыл отделын вуйлатышыже Зарина Хасанова. Конкурсный концерт программым Василий Кутлуметов ден Анастасия Белоусова, гала-концертым Регина Исмагилова ден Родион Плдотников вўденыт. Гала-концертыште участвоватлыше-влак конкурсный программыште ончыктымо номерыштым кўчыкемден ончыктеныт.
Этнофестивальыште палемдалтыныт: «Ош пеледывш» фольклор калык коллектив (Шаран район), «Кўдыро‰гыр» фольклор калык ансамбль (Краснокам район), «Италмас» фольклор ансамбль (Кушнаренке район) да «Изенер» фольклор коллектив (Мишкан район) - «Йўлам аралымылан» номинацийыште; «Зангари» удмурт фольклор калык ансамбль (Калтаса район) - «Ремесло йўлам аралымылан» номинацийыште; «Марий кумыл» марий фольклор калык ансамбль (Калтаса район) - «Калык модыш йўлам аралымылан» номинацийыште; «О‰гырйўк» марий фольклор калык ансамбль (Благовещенск ола) - «Тукым-влак кокласе кылым аралымылан».
Кумшо верым «Калык сем» марий фольклор калык ансамбль (Дєртыльє район) ден «Куан памаш» фольклор коллектив (Мишкан район) налыныт. Кокымшо верышке «Керей сем» фольклор коллектив (Калтаса район) ден «Райдем-райдем» марий фольклор калык ансамбль (Калтаса район) лектыныт. Икымше верым «Акарт» фольклор калык коллектив (Мишкан район) ден «Вастома» мордва фольклорно-этнографический калык ансамбль (Стерлитамак район) пайленыт.
«Ший мундыра» финн-угор фольклор коллектив-влак виш этнофестиваль-конкурсын Гран-прижым Мишкан районысо Чорай Культура пєртын «Салика» фольклор коллективше, вуйлатыше Ирина Ишалина, налын. Колллектив «Аза лўмдымаш» еш йўлам устан модын ончыктеныт. Ме нуным сулен налме сенымашышт дене алал кумылын саламлена!