Келшымаш
+24 °С
Йӱр
Все новости
Культура
10 Сорла 2023, 10:14

Выставке уэшын почылтын

Кумылан-влакым Мишкан селасе марий историй да тўвыра рўдерыште «Мишкан онча» лўман выставке вуча

Выставке уэшын почылтын
Выставке уэшын почылтын

Июнь мучаште Мишкан селасе марий историй да тўвыра рўдерыште лўмлє марий художник Иван Михайлович Ямбердовын «Мишкан онча» выставкыже почылтын ыле.
Технический амаллан кӧра тиде выставке ик жап пашам ыштен огыл – художникын сўретше-влакым поген налме. Но ситыдымашым кораҥдыме – художникын пашаже-влак уэшын шкеныштын верыштым налыныт. Нуным кеч-могай жапыште пурен ончаш лиеш. Эше ик гана палемдена: «Мишкан онча» выставкышке сўретчын Мишкан мландыште сўретлыме сўретше-влак гына пурталтыныт. А пашаже тыге лийын, иктаж лу ий ончыч Мишкан район администрацийын тунамсе вуйлатышыже В. М. Андреевын инициативыже почеш марий художник-влакын семинар лабораторийышт эртен. Художник-влак лу кече жапыште район мучко коштыныт да пеш шуко сўретым ыштеныт. Тиде выставкыште Иван Михайловичын лач Мишкан мландыште сўретлыме сўретше-влакым гына пуртымо да садлан лўмжымат «Мишкан онча» манын лўмден.
Кє тиде выставкым эше ужын огыл, чыландамат Мишкан селасе марий историй да тўвыра рўдерышке мияш ўжына. Лўмлӧ марий художникын пашаже-влак тушто сентябрьын пелыже марте кечаш тўҥалыт.
Вячеслав КАМИЛЯНОВ.

Выставке уэшын почылтын
Выставке уэшын почылтын
Автор:Вячеслав Камилянов