Келшымаш
+24 °С
Йӱр
Все новости
Культура
14 теле 2022, 15:36

«Кидкопаште кече»

Шукерте огыл тыгай лўман йоча творчество фестивальын гала-концертше эртен

«Кидкопаште кече»
«Кидкопаште кече»

Тиде кечын сценышке ятыр куштышо коллектив да мурызо-влак лектыныт. Ончышо-влак нунылан совым рўж кыреныт. Номер-влак чыла о‰ай да кумылым савырыше лийыныт. Икманаш, сценыштат, залыштат пайрем шўлыш озаланен.
Гала-концертым Мишкан селасе йоча искусство школышто тунемше-влак почыныт – «Вдохновение» йоча хореографический ансамбль «Весела куштымашым» куштен. Нунын почеш сценышке «Шонанпыл» (Тымбай СДК), «Иняк» (Йылыш СК), «Смайлики» (Озерка СК), «Акарт» (Ардаш СДК), «Ош пеледыш» (Кугу Соказа СДК), «Рвезылык» (Тымбай СДК), «Ший памаш» (Монар СДК) куштышо коллектив-влак да Корак ялысе клуб пеленсе куштышо дуэт лектыныт. Самырык куштызо-влак чолгалыкыштым да усталыкыштым тичмаш почын ончыктен кертыныт.
Куштышо коллектив-влак деч вара усталыкыштым мурызо-влак ончыктеныт. Тиде кечын ныжыл да ямле йўкышт дене ончышо-влакым Арина Апекова, Милена Апекова (Кугу Соказа СДК), Вероника Исеметова (Йылыш СК), Самира Алексеева, Элина Сайпушева, Надежда Зайнетдинова (Йылыш СК пеленсе трио) куандареныт. А Кемий гыч Анна Маникаева марла почеламутым сылнын лудын. «Йомак тўняшке унала» районный театральный йоча виш онлайн-конкурсын икымше степенян дипломантше – Кемий СДК пеленсе «Пеледыш» коллектив «Реве» йомак гыч ужашым модын ончыктен. Концертым сылне да чолга куштымаш дене «Эрвел» куштышо калык ансамбль сєрастарен.
- «Кидкопаште кече» фестивальын символжо – шокшо да ныжыл кече, - ойла йоча-влак дене паша шотышто вўдышє методист Марина Минилбаева. – Тудо шкенжын шӧртньӧ йолжо-влак дене талантан йоча-влакын корныштым волгалтара да у сеҥымашыш шуаш кумылаҥда. Концертыште йоча-влак ончаш толшо-влаклан шўм-чон шокшыштым пӧлекленыт. Чылажат пеш ямле ыле. Мероприятий нерген раш каласаш келшыше мутым муаш неле – чылажат тунаре сылне лийын. Фестиваль-конкурсышко Мишкан районышто 500 утла ўдыр да эрге ушненыт. Участник-влакын кажне выступленийышт – тичмаш историй. Вет сылне номерым ончыктымо деч ончыч ятыр кече репетироватлыман, тунемман, тыршыман. Но йоча-влакын тыршымышт арам лийын огыл. Ӱдыр-эрге-влак усталыкыштым тичмаш почын ончыктеныт.
Светлана ТОЙМУРЗИНА.

«Кидкопаште кече»
«Кидкопаште кече»
«Кидкопаште кече»
Автор:Светлана Тоймурзина