Марий-влак Пўрє олан кечыштыже

Официальный лицо-влак мемнан марий-влаклан тыге возеныт: «Пайремыштына чолган да чулымын участвоватлымыланда кугу тау!», «Олан кечыжшкыже пайрем шўлышым пуртымыланда кугу тау!», «Браво! Марий калыкын тату койышыжо, шочмо йўлажым тўткын аралымыже єрыктара да куандара».

Мишкан да Пўрє район-влак кокласе чек мемна йєршын ойырымаш уке, тудо символичный гына улеш. Олан кечыжым ямдылымаште Тєргымдўр ялын шочшыжо Дмитрий Ибашевын командыже кугун тыршен. А чылажат «Виче мари» НКМА-н заседанийже гыч тўналын, лач тушто марий-влаклан «360-лан савыртыш» мероприятийыште чулымын участвоватлаш кўлмє нерген мутым лукмо.

Пўрє оласе ГДК-н художественный вуйлатышыже Эльвира Мардамшина пайремым ямдылыше-влакын шонымашышт дене палдарен: «Исторический тема тўн верым налеш. Марий-влаклан эн кугу событий – 1917 ийыште Пўрє олаште эртыше икымше Марий Погын».

Тидым ышташ мо кўлын? Ондак, ожсо марий вургем-влак, варажым – муро ден куштымаш-влак, марий кочкыш. Выступленийыште Пўрє оласе «Эрвий» ансамбль ден Мишкан да Пўрє районласе моло коллектив-влакым ушаш лийыме. Икманаш, нуно шке кумылышт дене ушнышаш да представленийым ямдылышаш лийыныт. Вет чылажат кўштымє почеш огыл, а чон йодмаш почеш ышталтын.

Мероприятий изи огыл улмым умылен, полшаш мыйын ожсо палымем, массовый мроприятий-влакым эртарен моштышо Нелли Васильевна Дуровам ўжна. Ондак ме «Эрвий» ансабль дене пырля Виче вес могырко – Памаш ялышке кайышна. Тушто Мария Русаевна ден Людмил Ивановна мемнан алал кумылын вашлийыч.

Репитиций деч вара Нелли Васильевна артист-влакым чумырыш да выступлений шотышто шкенжын шонымашыж дене палдарыш. Тудо ондак тўмыр-влак лекшаш улыт мане, варажым – тальянке-влак, нунын почеш – Памаш ялысе ансамбль, «Ший памаш» мурышо калык ансамбль...

«Ший памашым» Людмила Сайсанова вуйлата, ансамбльыш Лидия ден Михаил Ижбулдинмыт, Галина Исаева, Марина Янышева пурат.

«Арама» мурышо-куштышо ансамбль (А. П. Ахмадеева вуйлата) Пўрє олашке «Чамук» подворьешке шке толын. Игече сай шоген. Репетиций оралтыште эртен.

Кужнурышто репетицийым клубышто эртарыме. «Нур пеледыш» ансамбль мемнам пеш шокшын вашлийын. Верысе артист-влак кокла гыч Олина Кугубаевам, Олина Николаевам, Зиля ден Ольга Михайловмытым палемдыме шуэш.

Кугу Соказа гыч мероприятийышке «Соказа сем» ушнен. Ансабльыш пурат: Анастасия Апекова, Галина Сайпашева, тамара Камиланова, Тамара Шамиданова, Лариса Янышева, Клара Зайнетдинова, Станислав Янышев, Ирина Булатова. СДК-шке ме кум шагат кечывалым миен шуна. Клуб арулкышто да моторлыкшо дене єрыктарен. Репетиций деч вара мыланна тўрлє сий дене чайым йўктеныт.

20 кече жапыште ме пеш шуко вынер тувырым погенна. Погымо годым яллаште музей-влакын кўлешлыкышытым раш умыленна. Мыланна вургемым погаш Пўрє районысо кужнур ялын этнографический музейже кугун полшен. Музей вуйлатыше наталья Мишенькина шке пашажым пеш сайын шукта.

 

Оформлений да сий

7 шагат эрдене родо-шочшына-влак Наталья ден Александр Васильевмыт прицепан машина дене ўстелым, тенгылым, пўкеным, кроватьым, шатерым да молым кондышт. Светлана Аликова, Нелли Байназова, Алена Илиева, Матвей да Вадим Байназовмыт «Чамук» марий унагудо» фотозоным ыштышт. Тушто Михаил Кутлусатов ыштыме сондык, тўрлеман тўрлє мындер-влак дене кровать, мотор шовыч-влак да моло лийыныт. Вич ўстелым пырля ушымо да кугу мотор леведыш дене леведме. Тиде леведышым Ирина Салиева сєрастарен улмаш.

™стелыште могай гына сий лийын огыл! Уна-влакым тўрлє пура, тўрлє емыж гыч компот-влак, пўкштуш, мелна да моло сий вученыт. Вет кажне унам ме эн шерге уна семын вашлийынна.

Кум ўстелым тамле сатуштым ужалыше-влаклан ойырымо. Тушто тўрлє сийыштым Ангелина ден Евгения Петровмыт, Диана Шайхалиева ужаленыт. Пўрє олаште илыше Галина Яикбаева пайрем тў‰алме жаплан шокшо мелнам кўэштын конден шуктен.

 

Уна суртыш пиалым конда!

Пайремышке марий-влак Марий Эл гычат толыныт. Рашрак лияш гын, Советский посёлок гыч «Кугезе кумыл» фольклор ансамбль толын. Ансамбльым Галина Щербакова вуйлата, тўмырым Александр Митяков кыра, тудак водитель пашам шукта. Тиде ансамбль Нелли ден Вадим Байназовмытын сай йолташышт улеш.

Марий Эл гыч уна-влак пайрем деч ик кече ончычак толыныт. Марий программым 11 шагат годым лач нуно почыныт. Пайрем деч вара Пўрє олан шочмо кечыже лўмеш нунылан «Бирск. Чамук» манын возыман сумка-влакым кучыктеныт.

 

Пўрє олан кечыже пеш ямлын эртен. Пайремыш уна семын мўндыр Китайыште шочын-кушшо, Польшышто илыше предприниматель – Кян толын.

- Мый экскурсий дене ола мучко коштым, черке о‰гыр-влак деке, пожарный каланчаш кўзышым. Икмыняр памаш гыч вўдым йўым. Мылам марий калык вургем, тўмыр, бубен-влак келшышыт. Шуко сувенирым нальым. Алекс ден Айлиса икшывем-влак Аней да Бовэн племянникем-влак дене пырля марий вургемым чиен ончышт да пайремышке уло кумылын ушненыт, - палдарыш мыланна Кян.

Пайремыште участвоватлыше музыкант-влакын чотыш єрыктара! Нуно кушеч гына толыны огытыл!

Гармонист-влак: Брий иликаев (Монар ял), Денис Андриянов (™пє ола), Евгений Микаев (Кульчубай ял), Олег Шаймарданов (Чорай ял), Александр Айгузин (Пєкленде ял), Никита Аликаев (Благовещенск ола), Борис Айгузин (Ардаш ял), Георгий Паситов (Корак ял), Вадим Байназов (Пўрє ола).

 

Тўмырзє-влак: Александр Митяков (Марий Эл, Советский район, Люперсола), Родион Нямиков (Корак ял), Андрей Шакиев (Благовещенск ола), Владислав Аптыкаев (Благовещенск), Станислав Янышев (Кугу Соказа), Сергей Байназов (Пўрє ола), Михаил Ижбулдин (Пўрє район, Памаш ял).

 

Куштызо-влак: Богдан Кутлукаев, Константин ден Вячеслав Янгубаевмыт, Никита Петров (Пєкленде ял), Пўрє оласе «Эрвий» фокально-инструментальный ансамбль (Алена Илиева, Лариса Иликаева, Регина Бисерова, Лилия Шамиева, Дарья Хамитова, Надежда Акмурзина, Кирилл Иликаев, Вадим ден Нелли Байназовмыт).

Ме 11.00 гыч 15.30 шагат марте мурым мурышна да тўрлє семўзгар сем почеш чолга «тывырдыкым» куштышна, уна-влакым тўрлє сий дене сийлышна. Ик жап гыч икымше Марий Погыныш погынышо марий-влакым ончыкташ жап шуын. Коклаштына утларакшым илалше-влак лийыныт. «Делегат-влак», чумыргымеке, сцена деке ошкылыныт. Ондак – гармонист ден барабанщик-влак, варажым –  ўдырамаш-влак вўдвара-влак дене. Вўдвараште кечыше ведралаште олма, кияр, помидор, кешыр да моло лийыныт. Сцене ончылно эше ик гана «кандырам пунышна», тушко ятыр самырык е‰ ушныш.  Ик жап гыч икымше Марий Погынын делегатше-влак сценышке кўзышт, нуно тўрлє верчын погынышо марий-влакым ончыктеныт. Нуно кўзымеке, кугу экраныште организатор ден участник-влакын фотографийыштым ончыктымо, а сценыш лекше артист-влак «Марий калык» театрализованный номерым – унам вашлиймашым, сўаным ончыктеныт. Номер, поро йўла почеш, адак гынат «тывырдык» дене мучашлалтын. Мучашлан усталыкыштым гармонист ден тўмырзхє-влак ончыктеныт. Сценыште иканаште 45 артист лийын!

Выступлений деч вара чыланат татун зритель-влак деке каеныт да нуным тўрлє сий дене сийленыт. А враажым уэшын сцене ончылно» кандыра пуналтын»! Молыча лийыныт ок крт!

Тиде пайрем кече теве тыгеракын эртен. Пайре годым ятыр фотом ыштыме да видеом возымо. Нуно Интернет мучко писын шарленыт. Но фото ден видеом ончымаш пайремыште шке коштмым садак вашталтен ок керт. Сандене вес марий пайремышке лудшына-влаклан шкаланышт мияш тыланена. Чын пайрем - тиде чын пайрем! Тудым нимо вашталтен ок ерт!