Тек йӧратымаш озалана!

Кужу жап пырля илыше вате-ма­рий-влакым Мишкан район МР ад­министраций вуйлатышын пашажым жаплан шуктышо П. Трапезников ден тудын икымше заместительже Л. Александрова саламленыт.

– Тыланда чылаландат моткоч кугу да ямле мероприятийым эртарыме шуэш, но, чаманаш кодеш, пытартыш жапыште коронавирусный инфекций уэшын кумдан шарлен да «кид­нам кылден», - каласен Лариса Геннадиевна. – Туге гынат, ме тиде кечым ӧрдыжеш коден она керт, сандене кужу жап пырля илыше да сай икшыве-влакым куштышо мужыр-влакым кеч тыге саламлаш лийна.

Тиде пайрем вашеш «За любовь и верность» посна медаль луктылтын. Тиде медальым Фе­деральный комитет учредитлен, тудо 25 ий дечын шукырак пырля илыше мужыр-влаклан пуалтеш. Тений «За любовь и верность» ме­даль да чап кагаз дене ондак Татьяна Алек­сандровна ден Вениамин Александрович Кон­догинмыт палемдалтыныт. Нуно районыштына чылалан палыме да пагалыме мужыр улыт.

Пайрем кечын «За любовь и верность» медальым тыгак Людмила Николаевна ден Александр Олегович Шамаевмытлан кучык­тымо. Людмила Николаевна ден Александр Олегович пырля вич икшывым ончен куштат. Эн кугу Аделина ўдырышт 14 ияш улеш, Артем эргышт – 12 ияш, Светлана - 7, София – 5. Эн изи Лев эргышт эше 2 ияш гына. Ача ден ава нуным чылаштымат тўткын ончат, туныктат, эскерат.

Витле ий пырля илымаш мужырланат, ну­нын икшывышт да уныкашт-влакланат ни­мучашдыме шерге. Пел курым пырля илыше кажне мужырлан шерге наградым кучыкташ лиеш, но нунылан кызыт медаль гына уло.

Тений, поро йўла почеш, Еш, йєратымаш да ўшанле улмаш кечын еш илыш юбиляр-влакы­мат саламлыме. Районыштына шукерте огыл «шӧртньӧ сўаныштым» нине мужыр-влак па­лемденыт улмаш: Валентина Кирилловна ден Фахат Габдуллинович Гайнетдиновмыт (Кугу Шады ял), Рида Ахияртдиновна ден Минни­талип Миннешевич Сафиуллинмыт (Мишкан села), Рафига Аминовна ден Анатолий Мади­ярович Манаевмыт (Мишкан села), Аня Семе­новна ден Анатолий Изиляевич Мусалинмыт (Уял).

Но районыштына пырля эше кужурак жап илыше-влакат улыт улмаш. 60 ийым пыр­ля, а тыгайже «бриллиант сўан» манылтеш, илыше-влак мыланна эшеат шерге улыт. Лач тынаре жап пырля Окалче Байзуллиновна ден Борис Алексеевич Алексеевмыт (Озерка ял) да Соня Исанбаевна ден Константин Павлович Павловмыт (Уял) илат. Нунымат пайрем кечын «За любовь и верность» медаль да чап кагаз дене палемдыме.

Нине еш-влак мемнан эн шерге «чинче па­дырашна» улыт. Вет ешым чумыраш, икшы­ве-влакым ончен кушташ, йол ўмбаке шо­галташ, тидын годым вашумылымашым да йєратымашым арален кодаш куштылго огыл. Тидлан кӧра ме нунылан чылаштланат чон гыч лекше тау мутым ойлена да пеҥгыде тазалык ден нимучашдыме еш суапым тыланена.

Венера АГЛЯМОВА.