Келшымаш
+25 °С
Раш
Все новости
Общие статьи
21 Кылме 2023, 15:40

«Икшывем-влаклан куанен илем»

Мишкан селаште илыше Ольга Каликаева шке шонымашыж дене палдара

«Икшывем-влаклан куанен илем»
«Икшывем-влаклан куанен илем»

Аван кечыже вашеш поро шўм-чонан, селаште илыше пеш проста айдеме нерген сераш кумыл шочо. Сандене мый корнемым Ольга Павловна деке виктарышым. Тудо кок йочам ончен-куштен, йол ўмбаке шогалтен. Лу ий ончыч кок тулык йочам ончаш налын. Ольга Киликаева йєратен да илышыште вашлиялтше чыла нелым сенен мошта, нигунам вуйжым ок саке да эре илышлан куанен ила.
- Мый Шабан ялыште шочынам, тудо Кемий ден Пайтара ял коклаште лийын, тудо ынде шукертак пытен, олмыжымат муаш неле, - ойла мыйын героем. - Ача-авамын, Павел Каншаевич ден Зинаида Кибаевна Байрашевмытын, кум икшывышт лийын. Гена изам, Соня акам да мый. Мемнан еш Шабан ял гыч Благовещенск районысо Бедеева Поляна селашке куснен. Ме келшен иленна, ту жап поро шарнымашым гына коден. Кунам мыланем индеш ий темын, авам колен колтыш. Ачам шкетын кужу жап илен огыл, вет тудын кидыште ме кум икшыве кодынна. Мемнан верч тургыжланен, вес ватым налаш шонен пыштен. Тудым Мишкан гыч пеш сай ўдырамаш - Зоя Михайловна Исадыкова дене палыме ыштеныт. Тудо ачанан ватыже, мемнан авана лийын. Ме тудлан эре тауштен илена, пеш сай ава лийын. Мыланем кокымшо авам эре пример лийын. Лу ий ончыч мемнан ешышке Катя ден Ян толмеке, мый шкемын йоча жапемым шарналтенам да тулыкеш кодшо икшыве-влаклан шочмо аваштым вашталдташ тыршенам. Мемнан ача-авана пе‰гыде ешым ыштеныт, 25 ий пырля иленыт. Эше илат ыле, но ачана илыш дене чеверласыш. Изам ден акам улмылан мый пеш куанен иленам, шкемым пиаланлан шотленам. Ме куан ден ойгым чыла пырля пайленна, улшо проблемым пырля решатленна. Тыгай шокшо кыл кызытыт йомын огыл. Акам дене пеш келшен, ваш полшен илена. Гена изам денат пеш келшенна, но тудын ўмыржє рвезынек кўрылтын.
…1 №-ан Мишкан кыдалаш школ деч вара Ольга Байрашева (ўдыр фамилийже) Уфасе 11 №-ан СПТУ-шко изолировщицылан тунемаш пурен. Училищыште пўрымаш Бирский районысо рвезе Иван Каликаев дене ваш ыштен. Самырык-влак олаште пашаш пуреныт. Уфаште илымеке, самырык еш Белорецкыш куснен. 1991 ийыште Каликаевмытын Анжела ўдырышт шочын. Бирск да Мишкан районласе родо-шочшышт деке унала толмышт годым Мишканыш илаш куснаш кумылышт шочын. 1993 ийыште еш кугемын - Константин эргышт шочын. Еш вуй МПМК-ште автослесарьлан ыштен, вара ятыр ий Йўдвел кундемыште вахта йєн дене пашам ыштен. Сурт оза вате ондак марийже дене ик организацийыште ыштен. Пытартыш паша верже - ИП Фатхинурова. Тушто лу ий техничкылан ыштен. Ешашке тулык икшыве-влак кузе толыныт, йодмылан Ольга Павловна ойла:
- 2013 ийыште кок шочмо акам Алефтина рак дене черланен колыш. Катя ўдыржылан индеш ий лийын. Мыйын авам колымо годым мыламат тынар ий лийын. Ян - 2 ият 5 тылзаш. Тунам еш канышыште нуным шкенан деке илаш налаш ойым ыштышым. Пелашем дене кугешнем, тудо ен ойгым умылен моштышо, эре полшаш ямде улшо - вигак оем дене келшыш. ўдырем ден эргымат тореш ышт лий, мєнгешла, ешна кугеммылан йывыртышт веле. Тиде жаплан нуно уже студент улыт ыле: Анжела Бирский пединститутышто тунемын, Костя - автотранспортный техникумышто. Тыге Катя ден Ян мемнан ешыш ушнышт. Кактя ынде кугемын, 9 класс деч вара Уфасе авиационный институт пеленсе колледжым тунем пытарыш. Кызыт Подмосковьеште ила да пашам ышта. Чўчкыдын йы‰гырта, У ийлан толаш сєрен. Ян - кандаш классыште тунемеш. Тудо шинчымашым суртышто пога, инвалид улеш. Ян акаже семынак пеш ответственный, тыршышан. Нуно мыйым «авай» маныт. Шке шочмо аваштым огыт мондо. Тудым Кемийыште тойымо. Ме шўгарлашкыже коштына, ончена. Мый чыла икшывемым пеш чот йєратем. Нунылан верч нигунам вожылмашке пурен омыл. Молодец улыт, икте-весышт верч чот азапланат.
Ака-шольо-влакын тыгай койышышт ава чоным ырыктат. Кум уныка - кугурак Анжела ўдыржын кум эргыже - куандарат. Тудо Уфа оласе МЧС Госкомитетыште пашам ышта. Костя эргыже ачаж гаяк вахта йєн дене пашам ышта. Каликаевмыт 33 ий икте-весым ваш йєратен илат.
Тиде поро чонан ўдырамашлан сай тазалыкым, еш пиалым тыланена!

Автор:Светлана Тоймурзина