«Туныктышо лиймаш – пўрымаш»

Сай туныктышо да воспитатель-влак шукын улыт, но талантан да сай деч сайже – пеш шагал. Мишкан районышто ик тыгай педагог – Мишкан селасе 1 №-ан лицейыште тўналтыш класслаште туныктышо Татьяна Геннадиевна Петрова. Тудо тиде пашам уже 24 ий шукта, йоча-влакым кумылын туныкта, чыла умылтараш тырша, тидлан жапше ден вийжым огеш чамане. Кажне йоча дене вашкылым писын муын мошта, урок-влакым онайын эртара да изи ўдыр-эрге-влакым тунемаш моштен кумыланда. Тидлан кєра нуно тўрлє муниципалитет, республик кўкшытан, всероссийский конкурслаште чулымын участвоватлат да призовой вервлакым налыт. Мутлан, нуно «Защитники, вперед!», «Юные инспекторы ПДД», «Старт», «Наша Россия» конкурслаште ойыртемалтыныт. Татьяна Геннадиевна, полыш кўлеш гын, енлан полшаш эре ямде улеш. А тунемшыже-влаклан чынжымак кокымшо авашт улеш: кунам кўлеш – поро, кунам кўлеш – пенгыдын йодшан. Шукерте огыл рашемдыме – школышто чыла енат пашам ыштен ок керт. Кумыл деч посна пашам ыштыше ен-влак йоча-влакым туныкташ толыт да тиде пашам вашке кудалтен каят. Школышто шке пашаштым уло кумылын йєратыше, йоча-влак дене вашкылым муын моштышо туныктышо-влак гына кодыт. Татьяна Геннадиевна лач тыгай туныктышо улеш. Тудо йоча-влак дене пашам ышташ школышто тунеммыж годымак кумыланын. Тидлан кєра, кыдалаш образованийым налмеке, туныктышылан тунемаш пурен. Татьяна Геннадиевна Пўрє оласе государственный педагогический институтым 1999 ийыште тунем пытарен. Высший образованийым налмеке, шочмо школышкыжо пєртылын - 1 №-ан Мишкан кыдалаш школышто логопед лийын ышташ тўналын. 2010 ий гыч тўналтыш класслаште туныкта. Татьяна Геннадиевна поснак внеклассный пашаж дене ойыртемалтеш. Эртарыме мероприятийже-влак эре онай улыт. Тушто тунемше-влак веле огыл, ача-ава-влакат кумылын участвоватлат. Татьяна Петрова тыгак творческий шўлышан улмыжым палемдыде кодаш ок лий. 2018 ийыште тудо «Эн сай класс вуйлатыше» конкурсын районысо этапыштыже сенен. 2024 ийыште «Идалыкын туныктышыжо» лўмым сулен налын. Творческий шўлышан да уста организатор улмыжо, шке пашажым кумылын йєратымыже Татьяна Геннадиевналан пашажым сайын шукташ йєным ыштат, эре полшен шогат. Тыге тудо тунемшыже-влак коклаште веле огыл, ача-ава да коллегыже-влак коклаштат кугу пагалымашым сулен налын. Эше палемдыде кодаш ок лий - Татьяна Геннадиевна тунемшыже-влакым туныктымо дене ок серлаге, тудо нунын дене школ илышым ила. Возаш да лудаш изи йоча-влакым педагогический вузым тунем лекше кажне ен туныктен кертеш, но тиде пашалан шкенжым пўтынек шагал туныктышо пуа. Кугешнен каласен кертына: Татьяна Геннадиевна тыгай туныктышо-влак кокла гыч иктыже улеш.

Елена АНТОНОВА, Мишкан селасе 1 №-ан лицей директорын УВР шотышто заместительже.