Тунемше-влакым кумылын вучена

Школна йоча-влакым сайын туныктымо вер веле огыл, тудо мер илышыште чулымын участвоватлыше тукымым воспитатлыме пашалан кугу верым ойыра. Школыштына кугу опытан туныктышо-влак дене пырля чолга да чулым самырык специалист-влак пашам ыштат. Нуно школын илышышкыже онайлыкым пуртат, пашаштышт туныктымо у йєн-влакым кучылтыт. Туныктышына-влак эртарыме виш урок-влак тунемше ден ача-ава-влаклан кугу событийыш савырнат, коклаштышт кылым пенгыдемдаш полшат. Школыштына чўчкыдын районысо тўрлє методический ушемвлак (РМО) чумыргат. Нине занятий-влак туныктышына-влаклан ешартыш опытым погаш, кўсынлаш да ончыкыжым образованийын качествыжым саемдаш полшат. 2024-2025 ийлаште Пўнчер ялысе школ изи огыл сенымашыш шуын. «Тулсавыш 2.0» («Зарница 2.0») военно-патриотический модмашын муниципальный этапыштыже школна кумшо верым налын. Мемнан ўдыр-эргына-влак чолга, чулым улмыштым да команде дене пашам ыштен моштымыштым ончыктеныт. ™дыр-рвезына-влак тыгак самырык талант-влак районысо смотр-конкурсышто кыдалаш да тўп общеобразовательный школ-влак коклаште кокымшо верым налыныт. Тиде сенымаш тунемшына-влакын творческий шўлышан да артист койышан улмыштым пенгыдемден. Школ пеленсе «Наследие» куштышо коллектив «Россий школысо шошо» («Российская школьная весна») фестивальын региональный этапыштыже «Калык куштымаш – кугу состав» («Народный танец – большие составы») номинацийыште III степенян лауреат лийын. Тиде сенымаш калык йўлам, тўвырам аралымаш пашан кўлешлыкшым эше ик гана пенгыдемден. Тунемшына-влак спортивный танасымашлаштат эре призовой вер-влакым налыт. Нине сенымаш-влак школын йоча-влакым физически воспитатлыме пашам сайын шуктымыжым ончыктат. Пўнчер ялысе школышто тунемше-влак районысо олимпиада ден конкурслаштат чулымын участвоватлат, чўчкыдын призовой вер-влакым налыт. Тыгай сенымашлашке кугун тыршен гына шуаш лиеш. Олимпиада ден конкурслаште участвоватлымаш ўдыр-эрге-влаклан шинчымашыштым пойдараш полша, критически шонаш, задаче-влакым творчески решатлаш туныкта. Ме сенымашышке шушо тунемшына-влак дене чыланат кугешнен илена. Нунын сенымашышт моло тунемшым тыршен тунемаш кумыланда. Пєнчер ялысе ООШ районысо моло тыгай школ дечын ойыртемалтеш, вет тыште ф е л ь д ш е р с к о - а к у ш е р с к и й пункт верланен. Тиде ФАП тунемше-влакынат, ялыште илыше кугыен-влакынат тазалыкыштым текшырен шога. Тиде фельдшерско-акушерский пункт тунемше-влаклан комфортан да лўдыкшыждымє тунемме средам ышташ полша. Школ верланыме зданийыштак верысе Культура пєрт пашам ышта. Тушто йоча ден самырык-влакын творчествыштым вияндаш виктаралтше тўрлє мероприятий-влак эртат. Идалык мучко тыгак тўрлє сынан акций, пайрем да конкурс-влак эртаралтыт. Тўвыра пєрт школ дене пырля ик зданийыште верланымаш тунемше-влакым мер да тўвыра илышышке ушнаш ешартыш йєным ышта, команде дене пашам ышташ туныкта. Тыге Пўнчер ялысе тўп ощеобразовательный школ йоча-влаклан качественный образованийымат пуа, ўдыр-эрге-влакым районын тўвыра илышышкыжат уша. Школ шкенжын пашажым эре виянден да саемден шога, тўрлє сенымашыже-влак дене тунемше-влаклан личность да индивидуальность семын кушкаш йєным ышта.

Ю. КИЛЬДУБАЕВА, Пўнчер ялысе школышто руш йылме да литературым туныктышо.