Туныктышо, наставник, спорт мастер

Марий гимназий шкенжын туныктышыжо-влак дене ожсек чаплана. Но Сергей Мурзашев нунын коклаште посна верым налын шога. Тудын профессиональный илыш корныжо да пашаже молылан пеш сай пример улеш. Сергей Михайлович 1967 ий 29 сентябрьыште Чорай ялыште шочын. Школ деч вара Стерлитамак оласе физический культура да спорт техникумышто тунемын, тудым 1989 ийыште пытарен. Армийыште служитлен пєртылмеке, Сибирский государственный физический культура государственный академийыште тунемын, тудым 1996 ийыште пытарен. Сергей Мурзашевын паша биографийже Стерлитамак оласе ДОСААФ автошкол гыч тўналын. 1992 ий гыч Чорай ялысе кыдалаш школышто (2011 ий гыч – марий гимназий) физкультурым туныкташ тўналын. Сергей Михайловичын тунемшыже-влакым спорт деке шўманден, тудын дене пенгыде кылым кучаш таратен моштымыж дене ойыртемалтеш. Тунемшыже-влак куштылго атлетика, ече дене танасымашлаште, баскетбол, волейбол дене модмашлаште сай результатым ончыктат, сеныше лийыт. Образований ден спортым вияндымыжлан да сай результатым ончыктымыжлан Сергей Михайловичлан «РФ-се чумыр образованийын почетан пашаенже», «Башкортостан Республикын заслуженный туныктышыжо» лўмым пуымо, «Лучший работник физической культуры и спорта РБ» знак дене палемдыме. Туныктышо тыгак военно-прикладной многоборье дене СССР спорт мастер улеш. Сергей Михайловичын туныктымыж дене гимназийыште тунемше-влак изи огыл сенымашыш шуыныт: Артём Кутлукаев куштылго атлетика дене РФ-н ятыр гана чемпионжо улеш; Алина Петрова, Тимур Тимуршин, Константин Мурзашев, Алексей Калиев да моло республиканский танасымашлаште призер лийыныт; Любовь Мурзашева – Мишкан район МР администраций вуйлатышын премийжын лауреатше (2023 ий); Константин Мурзашев (2012), Константин Шайбаков (2014), Вера Зайнашева (2016) да Данил Иркабаев (2020) «Образований» приоритетный национальный проект кышкарысе талантан молодежлан полыш шотышто премийын лауреатше улыт. Сергей Михайловичын вуйлатымыж дене гимназийыште тунемше-влак «Президентский та‰асымаш» тунемше-влак кокласе спортивный танасымашын всероссийский этапыштыже республикын чапшым шым гана араленыт. Сергей Михайлович Денис Тимиркаевич Тимиркаевын да Андрей Апканиевич Апканиевын тўналме пашаштым умбакыже шуя. Тудын тыршымыж дене талантан самырык спортсмен-влак кушкыт. Ятыр тунемшыже спортышто кугу сенымашыш шуын. Туныктышым пашалан йєратыме ешыже кумыланден шога: Лариса Николаевна пелашыже да кум икшывышт. Лариса Николаевнат школышто пашам ышта – физкультурым да ОБЗРым туныкта. Сергей Михайловичым паша коллективыштыже чыланат пагалат да аклат. Тудо спорт дене эре пенгыде кылым куча, ончылныжо раш цельым шында да тиде цельышке шуашак тырша, тидын дене тунемшыже-влаклан сай примерым ончыкта. Туныктышо физический культура да спорт полшымо дене ўдыр-эрге-влаклан личность семын виянашышт полша. Лач тыгай туныктышо марий гимназийын директоржо лийме дене кугешнаш гына кодеш. Ме Сергей Михайловичлан пенгыде тазалыкым да ятыр у сенымашым тыланена. Тек чыла шонымашыжат шукталтеш да пашаже марий гимназийлан виянаш сай йєным ышта.

О. БУРЗУМБАЕВА.