«Шудыран бал»

Тенийсе выпускник-влак туныктышо-влакын шарнымаштышт эн чот тыршышан тунемше семын кодыт. 28 июньышто школ дене чеверласыше-влаклан эн кужун вучымо каныш кече лийын. Выпускной кас школ илышын пытартыш татше лийын. Шуматкечын кастене Марий историй да тувыра рудерын залышкыже чумыргышо удыр-рвезевлакын чурийышт куанен шыргыжын. Единый государственный экзамен-влак шенгелан кодыныт. Лицеист-влак кужун вучымо аттестатым налаш чумыргеныт. Торжественный мероприятий тюналшашлан залыште ен-влак тич лийыныт. - Таче школ каваште выпускник-влакын эше ик шюдыр тюшкашт ылыжеш, каласеныт вюдышº-влак Регина Исмагилова ден Василий Кутлуметов. – Тиде 2025 ийысе выпускник-влак. Латик ий нуно кажне урокышто тийышле шинчымашым налын, уш-акылыштым пойдарен толыныт. Олимпиадылаште участвоватленыт, школышто эртарыме пайрем каслаште волгалтыныт. А ынде у илышыште волгалташ тюналыт. Кажне ш¢дырын шке люмжº. А нине шудыр-влакым туныктышо-влак да класс вуйлатышышт Марина Александрова ден Екатерина Ветлина почыныт. Выпускник-влакым район администраций вуйлатышын пашажым шуктышо Лариса Александрова саламлен. - Тек тиде выпускной бал онай илыш тюналмым ончыкта, а тыгай балже ончылно эше шуко лиеш, - каласен Лариса Геннадиевна. – Кажне сенымашда тендан тыршымашдам ончыкташ тюналеш. Корныда пиалан лийже, Мишкан районын, Башкортостан Республикын да чумыр Российын ушанле гражданинже лийза! Вара районысо образований отделын начальникше Сергей Александров, 1 №-ан лицейын директоржо Евгений Малмыгин саламленыт. Школ директор ЕГЭ-ште кюкшº баллым налше-влакым палемден. Тений школым шºртньº медаль дене визытын тунем пытареныт. Тиде – Дана Валиева, Арина Бариева, Наталья Бикнязева, Николай Саляев, Дарья Салмиянова. Класс вуйлатыше Марина Александрован выступленийже кажнын чоныш логалын: - Тачысе кас мылам кугу тенызыш лекше корабль нерген тошто ойым шарныкта. Шуко ий ончыч те мемнан школыш толында, те тунам изи пуш гай лийында, сер воктене людын люнгенда. А мемнан туныктышына-влак, опытан капитан семын, тыланда пенгыде шинчымашым чонаш полшеныт. А ача-ава-влак ныжыл мардеж семын тыланда ияш полшеныт. Теве ынде изи пуш кугу корабльыш савырнен, тудо кумда илыш тенызыште ияш ямде улеш. Иктым шарныза, тиде корнышто тендам шуко у вуча, торжа мардежшат логалеш. Вашталтыш деч ида люд. Тендан шум-чоныштыда улшо компас эре чын корным ончыкташ тюналеш. Эше иктым шарныза, кеч-могай виян кораблят шкетын ийын ок сене. Келшымашым аклыза, вашла энертен, полшен илыза. Те т¢шкан чыла нелылыкым сенен лектыда. Корныда пиалан лийже! Ача-ава-влак люм дене Наталья Шаркаева ойлен. Тиде пайрем кастене выпускник-влаклан пеш шуко шокшо, поро шомак-влак ойлалтыныт. Фотосессий деч вара выпускник-влак ИКЦ ончылсо площадкыште вальсым куштеныт. Июньысо эр кечым вашлиймаш нунылан кужу жаплан шарнымашеш кодеш.

Светлана ТОЙМУРЗИНА.