Корныда пиалан лийже!

2025 ийыште 2 №-ан полилингвальный шуко профилян школышто 52 ен индеш классым тунем пытарен. Пайрем кас Марий историй да тувыра рудерыште эртен. Школ директор Станислав Хазиев выпускник-влакым саламлен: - Тиде жапыште мемнам чыланам изишак ш¢лык кумыл авалта. Таче ме шкенан тунемшына-влакым кумда илыш корныш ужатена. Индеш ий жапыште те виянрак да ушанрак лийында. Мемнан школышто налме шинчымашда ончыкылык илышыште пенгыде негыз лиеш, манын ¢шанена. Мый таче шкенан туныктышына-влаклан, школым тунем пытарыше удыр-рвезе-влакын ача-аваштлан кугу таум каласена. Ончылно тендам шуко у вашталтыш вуча. Шкаланда ¢шаныза, шумо сенымашеш чарнен ида шогал. Эре у кюкшытыш шуаш тыршыза. Корныда пиалан лийже! Выпускник-влакын класс вуйлатышышт-влакын ойлымышт кажнын чоныш логалын. - Чыланат мемнан шюмешна кодыда. Тендан дене чеверласыме ок шу. Кº индеш класс деч вара школ дене чеверласаш шонен пыштен, ме чылаштлан пиалан корным тыланена. Шке вийланда ¢шаныза. Ончылно эше шуко чарак, шуко у ошкыл вашлиялтыт. Шарныза, кеч-могай ситуаций гычат лекташ корно уло. Выпускник-влакын икымше туныктышышт люм дене Лариса Алиева ойлен: - 2016 ий 1 сентябрьыште те икымше классыш толында. Изи удыр ден эрге-влакым, кид гыч кучен, ме классыш в¢ден пуртышна. А таче те школым тунем пытареда. Ме тыланда илышыштыда чыла сайым гына тыланена. Шонымашкыда шуза, чын илыш корным ойырыза. Эн тюнжº - шкаланда ¢шаныза. Пайрем дене! Выпускник-влак кажне туныктышылан почеламутым, мурым ямдыленыт, пеледышым пºлекленыт. Ача-ава-влакланат тиде кас пеш тургыжландарыше да куанле лийын. Вет икшывышт ик тошкалтыш гыч весыш вончат. - Ме тыланда чонлан келшыше профессийым ойырен налаш тыланена. Школышто налме шинчымашда ончыкылык илышыштыда чыла шотыштат полшаш тюналеш да ончылан шындыме цельышкыда шуаш полша, манын ¢шанена. Нелылык ончылан л¢дын ида шогал, ончыко лудде ошкылза. Те самырык улыда, тендан эше чылажат ончылно. Корныда пиалан лийже. Ме, ача-авада-влак, чыла шотыштат полшаш тюналына, - сугыньленыт ача-ава-влак.

Виктория ИШМУРЗИНА.