Кўлешан ошкыл ышталтын

«Историйым саклыше-влак» всероссийский проект «Патриотизм да историйым шарнымаш» корно дене илышыш шындаралтеш. Мемнан тў‰ цельна - эртыше жапын поян историйжым шарнаш да арален толаш. Мероприятийышке Мишкан районысо школлаште тунемше-влак гына огыл, тыгак Аскын, Караидель, Бурай, Балтач, Пўрє районласе школла гыч представитель-влак толыныт. Кажне активистын шке задачыже лийын: икте шке ялжын, школжын историйжым шымлаш тў‰алеш, весе научный докладым воза, кумшо памятник-влакым уэмдаш полша да молат. Мероприятийыш толшо-влакым Мишкан район муниципальный район администраций вуйлатышын пашажым шуктышо Лариса Александрова, Мишкан район муниципальный район совет председатель Валерий Гареев саламленыт. Тиде мероприятийыште тыгак почетан уна-влак лийыныт: БР образованийын сулло пашае‰же, краевед Рита Ялаева, Янагуш ялысе Гзи Загитов лўмеш боевой да паша чап музейым аралыше Айрат Загитов, районысо ветеран-влак совет председательын икымше заместительже Муллахан Ханов, афган сарын участникше Гадиф Бикбулатов, Мишкан районысо ветеран-влак советын председательже Юлия Балахнина. Нуно ўдыр-рвезе-влаклан «Хранители истории» значокым торжественно кучыктеныт да шке тыланымашыштым ойленыт. Историйым эреак шарнен илаш, тудым саклен толмын кўлешлыкше нерген ушештареныт. Тидыже моткочак кўлешан, вет шке историйым палымаш, элнан патриотический, духовный да тўвыра югыпогыжым пагален, саклен толмаш илышнам ончыко виктараш тийышле иктешлымашым ышташ полша. Самырык патриот-влак торжественный обстановкышто историйым саклыше-влакын товатмутыштым ойленыт. «Историйым саклыше-влак» проектын тистыже - тиде тыглай флаг гына огыл. Кє тудым кидышкыже куча, тудо шке ўмбакше пеш кугу ответственностьым налеш. Таче тиде ответственностьым Караидель районын чолгаенже-влак шке ўмбакышт налыт. Проектын тистыже ты районышто тенийсе октябрь гыч 2025 ий октябрь марте лиеш. - Таче «Историйым саклыше-влак» всероссийский проектыш 100 самырык патриот ушнен, - каласеныт патриотический мероприятийым вўдышє-влак, Мишкан селасе 2 №-ан ПМШ-ште тунемше-влак Ислам Бикмухаметов ден Карина Иванова. - Тиде те улыда, рвезе-влак! Ты событий дене тендам уло кумылын саламлена! Ончылно мемнам историйнам саклен да арален толмаште шуко паша вуча. Тек тендан пашаштыда сугынь мутлан Совет Ушемын маршалже Константин Рокосовскийын ойжо лиеш: «Могай калык шкенжын геройжо-влакым шарнаш да пагалаш тўналеш, тудо гына кугу (великий) калыклан шотлалтеш». Мемнан шочмо элна - Россий илыже да тўзланыже. «Историйым саклыше-влак» движенийышке у ен-влакым пуртымо мероприятийын торжественный ужашыжым уста лицеист-влакын ончыктымо концерт номер-влак сєрастареныт. Флорид Буляков лўмеш 1 №-ан лицей гыч шаймуратовский класс-влак «Родной мой край - Башкортостан» мурым йонгалтареныт. Йоча искусство школышто тунемше-влак Ангелина Кузнецова ден Арина Александрова шке вокальный мастарлыкышт дене куандареныт. Нуно «Моя Россия» мурым сылнын муреныт. Самырык лицеист-влак «Встанем» хореографический номер дене выступатленыт. «Историйым саклыше-влак» радамыш пуртымаш - тиде шке шочмо кундемын историйжым шымлымашке самырык тукымым ушымо пеш сай инициатива. Тиде проект кышкарыште тўвыра йўлам аралаш, археологий пашаште, исторический верлам да событийлам шымлымаште участвоватлаш лиеш. Йоча-влак тунемме проектлаште, экскурсийыште, реставрационный пашаште да шочмо кундемнан историйже, тўвыраже дене кылдалтше моло мероприятийлаште участвоватлен кертыт. Историйнам саклен да тўвыра югыпогынам арален толмаште пеш кўлешан ошкыл ышталтын. Пытартышлан мероприятийын участникше-влак Се‰ымаш мемориал деке пеледышым пыштеныт.

Светлана ТОЙМУРЗИНА