Уэш парт коклашке!

Тиде тунемме ий латикымше классыш вончышо 14 тунемшылан пытартыш тунемме ий лиеш. А икымше классыш толшо 26 йочалан 2024 ийысе 2 сентябрь эрелан шарнымашеш кодеш. Вет ты кечын нуно Шинчымаш элышке икымше ошкылым ыштеныт. Тений икымше гана школыш толшо-влакым тўналтыш класслаште туныктышо-влак Гульнара Гасимьяновна Курбанова ден Юлия Васильевна Иргубаева туныкташ тўналыт. Россий Федерацийын флагшым нєлталаш сайын тунемше, «Ончыко, юнкор!» IV республиканский конкурсын призержо, школьник-влакын экологий дене всероссийский олимпиадын региональный этапшын призержо, «Большие вызовы» научно-технологический проектын всероссийский конкурсын региональный трекшын призержо, школьник-влакын биологий дене всероссийский Сеченовский олимпиадын иктешлыме этапшын участникше, 11 классыште тунемше Кирилл Яшпаевлан ўшаныме. Башкортостан Республикын флагшым сайын тунемше, 2023-2024 тунеммме ийыште информатика дене 9-11 класслаште тунемше-влак коклаште вуз-влак кокласе виш олимпиадын иктешлыме этапшын призержо, 11 классыште тунемше Юлий Аптиев нєлталын. Торжественный линейкым школын директоржо Станислав Валерьевич Хазиев почын. Тудо шке выступленийыштыже палемден, коллективын ик ой дене пашам ыштымыже гына сай результатыш шуаш полша. А школышто тунемше-влакын результатышт сай. ЕГЭ-н итогшо почеш Анна Сайфуллина профильный математика дене 100 баллым налын, туныктышо - Люзя Алимова. Эмилия Багирова химий дене 97 баллым поген. Информатика, биологий, физика, химий, руш йылме, математика предмет-влак дене мемнан тунемшына-влак 80 баллым налыныт. 11 классым тунем пытарыше-влак чыланат вузлашке тунемаш пуреныт. Идалыкаш пашан итогшо почеш кум туныктышо полилингвальный йєн дене туныктымаште эн сай 100 туныктышо коклаш логалын. Нуно 50 тўжем тенгеаш грантым налыт. Тиде - Татьяна Ишпахтина, Алена Алкиева, Ольга Яшпаева. Тиде пайрем кечын туныктышо ден тунемше-влакым саламлаш уна-влак толыныт. Мутым район администрацийын представительже, муниципальный район советын секретарьже Татьяна Колединалан пуымо. Погынышо-влак ончылно саламлыме шомак дене образований отделын представительже, ешартыш шинчымашым пуышо муниципальный опорный рўдерын методистше Татьяна Апакетова выступатлен. Шинчымаш кечын торжественный линейкыште икымше классыште тунемше-влак выступатленыт. Удыр ден эрге-влак почеламутлам сылнын лудыныт. Латикымше классыште тунемше-влакын выступленийышт пеш мотор лийын. Поро йўла почеш тиде пайрем кечын туныктышо-влаклан пеледышым кучыктымо. Торжественный линейкын эн чот шарнаш кодмо жапше - икымше онгыр йўкым пуымаш. Икымше онгыр йўкым пуаш 11 классыште тунемше, Икымше-влак движенийын чолгаенже, волонтер Александра Шаймухаметовалан да икымше классыште тунемше Павел Ибагишевлан ўшаныме.

Светлана ТОЙМУРЗИНА.