Кадровый педсостав аралалт кодын

Тунемше-влак парт коклашке шичме деч ончыч, поро йўла почеш, районысо туныктышо-влак август тылзыште эртыше совещанийыш погыненыт. Тудо тений Марий историй да тўвыра рўдерын конференц-залыштыже эртен. Конференцийын темыже «Вашталтыш жапыште образованийын качествыжым вияндымаш» манылтын. Совещанийыште эртыше тунемме идалыкын пашажым иктешлыме да ончыкылыклан паша планым рашемдыме. Туныктышо-влакын пашаштышт тўн вер образованийын качествыжым кугемдымылан ойыралтшаш. Тидлан чыла условийым ышташ тыршыман. Августовский совещанийыште Мишкан район МР администраций вуйлатышын пашажым жаплан шуктышо Лариса Александрова, БР-се Жилищный да строительный надзор шотышто государственный комитет председательын заместительже Владимир Леонтьев, Мишкан район МР совет секретарь Татьяна Коледина, Россий МВД-н Мишкан районысо отделже начальник Владис Латыпов, Районысо образований отдел начальник Сергей Александров, образовательный учреждений вуйлатыше, туныктышо да педагогический пашан ветеранже-влак участвоватленыт. Нунын коклаште Башкортостан Республикын заслуженный туныктышыжо-влакат лийыныт. Конференцийын участникше-влакын выступленийышт самырык-влакым патриот шўлышеш воспитатлыме да инфомационно-телекоммуникационный технологий полшымо дене закон пудыртымашым корандыме дене кылдалтыныт. Пленарный заседаний кышкарыште палемдымаш-влак эртеныт. Образований сферыште пашам тыршен да кужу жап ыштымылан Мишкан район МР советын да администрацийын Чап грамотышт дене палемдалтыныт: Ленинский ялысе школышто математикым туныктышо Наталья Апаева, Кугу Соказа ялысе школышто тўналтыш класслаште туныктышо Елена Айгузина, Мишкан селасе Ф. Буляков лўмеш 1 №-ан лицейыште математикым туныктышо Расима Габдрахманова, Кўрзе ялысе школышто тўналтыш класслаште туныктышо Галина Ишмаева, Мишкан селасе 2 №-ан шуко профилян полилингвальный школышто тўналтыш класслаште туныктышо Роза Латыпова, Ардаш ялысе школышто дошкольный группын воспитательже Маргарита Рушингина, Тымбай ялысе изак-шоляк Беловмыт лўмеш школышто биологий ден химийым туныктышо Ульяна Шаймарданова. Образований сферыште пашам тыршен да кужу жап ыштымыжлан Башкортостан Республикын заслуженный туныктышыжо лўмым Мишкан селасе 2 №-ан шуко профилян полилингвальный школышто информатика ден математикым туныктышо Татьяна Ишпахтиналан пуымо. Образований сферыште пашам тыршен да кужу жап ыштымыжлан РФ Просвещений министерствын Чап грамотыж дене Тымбай ялысе изак-шоляк Беловмыт лўмеш школышто физкультурым туныктышо Родион Михайлов палемдалтын. «Отличник образования Республики Башкортостан» знак дене - Мишкан селасе Ф. Буляков лўмеш 1 №-ан лицейыште географийым туныктышо Гузель Габдрахманова. Образований сферыште кужу жап пашам ыштымылан БР-се Образований да наука министерствын Чап грамотыж дене Мишкан селасе Ф. Буляков лўмеш 1 №-ан лицейыште технологийым туныктышо Ринат Ахмадуллин, Кугу Соказа ялысе школышто географийым туныктышо Роман Апсаликов, Кемий ялысе школышто тўналтыш класслаште туныктышо Светлана Адельшина, Новотроицкий ялысе школышто информатикым туныктышо Дмитрий Охезин палемдалтыныт. Мишкан районышто туныктышо-влакын кадровый составышт вашталтдымаш куандара. Эртыше тунемме ийыште общеобразовательный учрежденийлаште чылаже 338 ен пашам ыштен. Нунын кокла гыч 294 енже – туныктышо. Туныктышо-влакын кокла ийготышт – 46 ий. Нунын коклаште 35 ияш марте самырык туныктышо-влак – 13,7 процент. Самырык туныктышо-влак пытартыш 10 ий жапыште Ардаш, Кугу Соказа, Тымбай да Иштыбай яллашке йєршын толын огытыл. - Кадр-влак ситыдымаш тачысе кечылан ик эн пўсє йодышлан шотлалтеш, - каласен совещанийыште Районысо образований отдел начальник Сергей Александров. - Туныктышо-влак, конешне, чыла вереат ситышын улыт, манаш лиеш. Конференцийым Константин Сергеевич ден Диана Юрьевна Гайнитдиновмыт вўденыт. Самырык-влак кум ий ончыч августовский конференцийлан ямдылалтме годым палыме лийыныт. Идалык ончыч – Туныктышо да наставник идалыкыште нуно мужыраныныт. Тений – Еш идалыкыште – нунын ўдырышт шочын. Константин Сергеевич Нерге ялысе школышто директорын заместительже лийын ышта, а Диана Юрьевна декретыш лекмыж деч ончыч Мишкан селасе Ф. Буляков лўмеш 1 №-ан лицейыште педагог-психолог лийын ыштен. Нуно августовский конференцийыште уже нылымше ий вўдышє улыт.

Светлана ТОЙМУРЗИНА.