«Поро чонан да чыным йєратыше»

 Кызытсе саманыште кажне енлан илышыште шке вержым муаш, чын айдеме лияш туныктышо-влак полшат. Нуно мыланна изинек тўрлє шинчымашым пуат, нелылыкым сенаш, шке вийналан ўшанаш туныктат. Сай туныктышо-влакым ме нигунам она монда да мунло шомакыштым ўмырна мучко шарнен илена. Дарья Кадиева лач тыгай туныктышо улеш – онай, чулым да виш чонан. Коллегыже да тунемшыже-влак тудым поро чонан да чыным йєратыше туныктышо улеш маныт. Тудо тунемшыже-влакым жапшым да вийжым чаманыде туныкта, шинчымашым шукырак пуаш тырша. Тидлан кєра туныктышым коллегыже-влакат, ача-ава ден тунемше-влакат пагалат. Дарья Иванова туныктышо лияш школышто тунеммыж годымак кумыланын. 1992 ийыште, Чорай ялысе кыдалаш школым тунем пытарымеке, Пюрє оласе ГПИ-н биологий да химий факультетышкыже тунемаш пурен. Тиде факультетым удыр арам огыл ойырен налын. Дарья Ивановнам химик да биолог лияш йєратыме туныктышыжо – Антонида Андреевна Алексеева кумыланден. Дарья Ивановна школышто 1997 ий гыч ышташ тюналын. Ондак Кульчубай ялысе тюп общеобразовательный школышто ыштен, ик ий гыч Чорай ялысе школышко куснен. Кызыт марий гимназийыште химийым, биологийым да географийым туныкта. Дарья Ивановна высший категориян туныктышо улеш. Урокшо-влак онайын эртат. Туныктышо тунемше-влаклан химийын онайлыкшым почын ончыкташ тырша. Удыр-рвезе-влак предметшым тунемаш кумыланышт манын, туныктышо тюрлє наглядный пособий-влакым кучылтеш, презентаций-влакым эртара. Тидлан кєра тунемшыже-влак химий, биологий да географий дене экзамен-влакым сайын сдатлат. Дарья Ивановна 9-ше класс вуйлатыше улеш. Шкенжын пашажым моштен шукта. Тунемше да ача-ава-влак дене вашкылым куштылгын муэш. Туныктышо профессиональный усталыкшым эре кугемден шога. Естественно-научный циклысе туныктышо-влак методический ушемым вуйлата. Самырык туныктышо-влаклан полшен шога – опытшо дене пєлалтеш, мастер-класс-влакым ончыкта. Тыгак марий гимназий пелен почмо «Кушмо точка» естественно-научный да технологический направлениян образований рюдерым вуйлата. Туныктышын пашаже куштылго огыл, тидлан кєра тудлан еш энертыш моткоч кюлеш. Дарья Ивановнан пенгыде энертышыже – Роман пелашыже. Удыржє-влакат куандарен гына шогат. Кугурак Яна удырышт фармацевт лийын ышта. Изирак Юлия ¢дырышт, гимназийым медаль дене пытарымеке, «БГМУК-н «Педиатрий» факультетышкыже тунемаш пурен, кызыт 4-ше курсышто тунемеш. Дарья Ивановналан ончыкыжымат тыгаяк сай туныктышо, наставник, пиалан ¢дырамаш лияш, тыгак чолгалыкым да эре жап дене тєр ошкылаш тыланена.

О. ИРКАБАЕВА