Гостехнадзор текшырымашым эртарен

Ринат Сахиевич - районын чўчкыдє унаже улеш. Тиде гана толмыж годым муниципалитетын икмыняр озанлыкыштыже инспекцийым эртарен. Молыгунамсе семынак Ринат Сахиевич нигєлан шижтарыде районышкына толын лектын гынат, мемнан технический службына чыла шотыштат ямде лийын. Тидлан єршашыжат уке, Мишкан районын гостехнадзор инспекторжо-влак уржа-сорла тургым жапыште йўдшє-кечыже манме гай озанлыклаште эртарат. Сандене районышко толшо уналан, текшырыше е‰лан, мемнан «технарна-влак» кеч-могай озанлыкым ойырен налаш да текшыраш темленыт. Р. Галимов тиде гана С. Кштаевын, С. Ю. Васюткинын крестьян-фермер озанлыкыштым, Ленин лўмеш колхозым, Мишкан агроколледжым да «Центральный» МТС-ым ончал савырнаш темлен.
Районысо ял озанлык отдел вуйлатыше Д. Усманов вуйлатыме текшырыше группа палемдыме маршрут почеш корныш тарванен. Корнышто республикысе тў‰ техинспекторын йодышыжлан тудо нимогай кагаз деч посна раш вашмут-влакым пуэн. Могай озанлыкыште могай паша-влак мият, шурно лектыш мыняре, чылажым цифр дене пе‰гыдемден, раш умылтарен. Вик койын, Ринат Сахиевичлан тудын вашмутшо келшен гына огыл, а районышто ял озанлык паша кузе мийымым муниципалитетын тў‰ аграрийже пе‰гыде контрольышто кучымылан тудо изишак аптыраненрак куанен. Чыла вере тыгай оперативностьым ужаш ок лий. А ял озанлыкыште ончыкылык у
вашталтыш-влак лийшаш нерген мут лекмеке, корно кужыт моткоч писын кўчыкемын…
Эн ончычак ме «Кштаев С. Ш.» КФХ-шке пурышна. Озанлык вуйлатыше тиде кечын вес районыш техникылан шапаш ужаш-влакым кычал каен. Тудын олмеш текшырыше инспекцийым вуйлатышын эргыже, ик подразделенийым вуйлатыше З. Кштаев вашлийын.
Аралаш шындыме техникым инспекций пашае‰-влак чот шылтален огытыл, но изирак экшык-влакым верештыныт. Нуным ойлымо годым, подразделений
вуйлатыше вик кидыш ручка ден блокнотым налын, кажне экшыкшым возен… Мемнан группа инспекций паша дене кокымшо озанлыкыш - Ленин лўмеш колхозыш пурен.
Колхоз вуйлатыше Д. Осипов уна-влакым кокияшым ўдымє пасушто вашлийын. Воктенак шыда‰ым погеныт. Шурным кырымаште озанлыкын эн уста комбайнерже-влак
Александр Михайлов ден Сергей Аликов лийыныт. Мутат уке, тений кукшо игечылан кєра шурно лектыш дене моктанаш ок лий. Шурно пеш ўлыш, пырче вуйжат начар. Сандене комбайнер-влаклан лапетыштым мланде марте волташ логалеш.- Мом ыштет, Юмо деч кугу лияш ок лий, - манеш Денис Александрович. - Ме ўдышаш мландынам жапыштыже да сай качество дене ямдылышна, урлыкашым эн сайжым гына ойырышна, озым пасулам чыла шот дене ончышна, но йўрын укелыкше чыла пашанам укешке луктын… Инспекций пашам шке планже почеш эртарен. Группым вуйлатыше Р. Галимов, инспектор-влак В. Азипов ден И. Мустафин комбайнер-влакын документыштым текшыреныт, техникын технический состоянийже ден узелже-влакым онченыт да комбайным чын обслужитватлаш кўлмє икмыняр ойка‰ашым пуэныт. Мом ыштет, текшырен коштшо-влакын пашашт тугай - могай-гынат ситыдымашым муаш да тудым кора‰даш кўшташ. Отчетлан кўлеш. Пуйто механизатор-влак шке пашаштым огыт
пале. А нине текшырыше-влакым ик кечылан комбайныш шындаш гын, мо лийын лектеш ыле…. Вес текшырыме объект - «С. Ю. Васюткин» крестьян-фермер озанлык. Сергей Юрьевичын озанлыкше поснак ойыртемалтеш. Тыште пеш шергакан иномарке машина деч шергырак скакун имне-влакым ончат. А нуным ончен-кушташ да парышым налаш кормам ямдылаш, вичам шотышто кучаш кўлеш.
Чыла нине пашалам шукташ С. Васюткин техникым «Мульчере» базыште налын. Тиде юзо техникым ончаш, кудыжо пуше‰ге-влакым шкеак сўмыра да тыгыде опилкыш савыра, моло пашалам єрыктарен шукта, чумыр ял чумырген. Тидыже ожно колхозыш икымше тракторым кондымо дене ик кўкшытыштак лийын, очыни.
Ял калык умылен, вашке нунын ялыштат «пайрем» лиеш. КФХ шке кўлешлыкшылан ик тўжем гектар мландым обрабатыватлаш тў‰алын. Нине кумдыкышто шудымат,
шурнымат, моло тўрлє кўлеш кормамат ямдылаш лиеш.Районышко текшырымаш дене толшо-влак нигунамат верысе агропромышленный колледжыш пурыде кодын огытыл. Вет тыште ял озанлык пашае‰-влакым таптыше апшаткудо верланен. Тиде тунемме заведенийын студентше-влак республик кўкшытыштє эре эн сай шинчымашым ончыктат. Колледжын чапше Россий мучко чапланен. Тыштыже уло чон дене пашам йєратыше коллективын надырже раш палдырна. А тиде коллективым Валерий Тимиргалиевич Байбулатов вуйлата. В. Байбулатов уна-влакым вашлийын мошта. Тиде ганат текшыраш толшо инспекций пашае‰-влак йыргешке ўстел йыр
«шокшо чайым» йўын шинчышыла, ончыкылык задача-влакым тўрыс решатленыт.
В. КОНДОГИН.