Келшымаш
+19 °С
Пылан
Все новости
Ял озанлык
18 Сентябрьыште 2020, 16:27

Ял озанлык пашаеҥ-влак каҥашеныт

15 сентябрьыште Мишканысе «Мой бизнес» коворкинг-рӱдерыште ял озанлык кооператив вуйлатыше-влак да кооперативым ышташ ямдылалтше еҥ-влак чумыргеныт

Ял озанлык пашаеҥ-влак каҥашеныт
Вашлиймашке 20 наре еҥ толын, нунын коклаште СПоК вуйлатыше-влак, крестьян-фермер озанлык вуйлатыше-влак, инициативный группа-влакын представительышт да индивидуальный предприниматель-влак лийыныт.
Мероприятийын спикерже район администраций вуйлатышын заместительже, ял озанлык отдел начальник Д. Усманов лийын. Семинарын участникше-влак ончылно Башкортостан Республикысе ял озанлык паша шотышто консультацийым пуышо рўдерын ял озанлык кооперацийым вияҥдыше отдел начальник Азат Габдуллин выступатлен. Тудо погыныш
толшо-влаклан агробизнесым вияҥдышашлан государствын полышыж нерген раш умылтарен.
Азат Мансурович шке выступленийыштыже кугу верым «Доходогенерирующий проект» республиканский программылан ойырен.
Грант-влакым пуымо нерген, программа-влакын кушко виктаралтмышт нерген умылтарен да СПоК-влакын материально-технический базыштым пойдараш ойырымо грант-влак нерген ойлен.
Тиде вашлиймашке толшо-влакым 13 октябрьыште Балтач районышто эртарыме зональный семинарыште участвоватлаш
ӱжыныт.
Совещанийыште ипотечный кредитований шотышто йодышым тарватыме. Тидын шотышто «Россельхозбанк» АО-н Бирский филиалжын управляющийже палдарен.
Ты мероприятийым районысо ял озанлык отдел Башкортостан Республикысе ял озанлык паша шотышто консультацийым пуышо рӱдерын полшымыж дене эртарен.
Э. ЯШПАЕВА, ял озанлык отделын тӱҥ зоотехникше.