Мланде пашаеҥын неле пӱрымашыже

Мланде пашаеҥын неле пӱрымашыже

Нунын кокла гыч иктыже Станислав Исанбаев. Тудо МТЗ трактор дене коштеш. Тиде трактор дене чыла тӱрлӧ ял озанлык пашам шукта.

Шошо ага годымат, уржа-сорла годымат тудо эр гыч кас марте пасушто лиеш. «Кеҥеж кече идалыкым пукша» калыкмутын чын улмыжым хлебороб сайын пала. Ял озанлык отделын тӱҥ инженерже Александр Абукаевын палемдымыж почеш, Станислав чынжымак киндым куштышо улеш, шке пашажым уло чон дене йӧрата да тудын верч азаплана.

Мемнан озанлыкыш мийыме кечын Станислав шке техникыжлан техуходым эртарен. Сандене пасушто тудым изишак

вучалташ пернен.

Ончычсо Родыгино ял воктене шукияш шудо сайын кушкын. Жапыштыже пуымо ӱяҥдыш, шудым сайын ончымын лектышыжат куандара. Кокымшо гана солымо шудо сайын кушкын.

Станиславын тракторжо шикшым тўргыктен, курык шеҥгечын толын лекте. Ӧрдыжкє пижыктыме саваже ужар шудыш керылте…

Ик йыр солен савырнымеке, мемнам ужын, Станислав тракторжым чарен шогалтыш. Кабин гыч куштылгын тӧрштен волыш, йырым-йыр ончал савырныш да мемнан деке лишеме…

Тургым жап тӱҥалтыш гыч 500 гектар кумдыкышто шукияш шудым тӱредын, тидыж дене озанлыкын кормалык базыжым пойдараш полшен.

Станислав шкеже шуко икшыван ешыште шочын-кушкын. Мланде пашам изинекак ужын, йӧратен. Вет эре ачажлан полышкалаш коштын. Ийгот шумеке, шкежат тракторист профессийым ойырен налын. Таче тудын поян опытшо да

мастарлыкше пасу пашаште моткоч кӱлешан улеш.

В. КОНДОГИН.