Пасула гыч икымше увер

Пасула гыч икымше увер

Мишкан районышто уржа-сорла тургым тӱҥалын. Тиде пашам озанлык-влак кокияш уржам тӱредме дене почыныт. 30

июльышто комбайн-влак икымше гана пасуш лектыныт. Эн ончычак уржа-сорлам «Центральная» МТС-ын Бирский филиалжын

Мишкан отделенийже да «С. Ш. Кштаев» КФХ тӱҥалыныт. «Центральный» МТС-ын пасуштыжо комбайнер-влак Альберт Шамсиев, Кузин Азамат, Байбурин Рушан пашам ыштат.

Агроном Гузель Хаматнуров палемден, кызытеш лектыш сай, гектар гыч 35 центнер дене погена. Тидланже урлыкашын сай качестван улмыжо да ӱдымӧ годым агротехнический йӧным тӱрыс шуктымо полшен.

Уржа-сорлан кузе эртымыже комбайнер-влакын мастарлыкышт деч гына огыл шога. Кугу верым водитель-влак налыт.

Вет шурным жапыштыже погымаш тӱҥ шотышто нунын деч шога. Ленинский ялысе идымышке икымше тонн шурным

водитель Радик Мухамадеев ден контролер Олег Зайнетдинов конденыт.

КФХ вуйлатыше Самвел Шекоевич Кштаевым пасушто вашлийна. Тудо кокияш уржа ден викым тӱредаш тӱҥалмашке

шкеже толын. «Агролизинг» программа дене налме у комбайным икымше гана пашаште текшырат. Опытан комбайнер

Георгий Якуповлан у техника келшен. Самвел Шекоевич шурно лектышлан куанен. Гектар гыч 25 центнер дене лектеш.

Ял озанлык отдел.