Нострадамус марий-влак нерген возен

Нострадамус марий-влак нерген возен

Нострадамусын у йўла Российыште, рашрак лияш гын, Кечывалвел Урал кундемыште шочмо нерген ятыр вере лудаш лиеш. Мутлан, Дмитрий Зима возымо «Расшифрованный Нострадамус» книгаште. Мый нине книга-влакын содержанийыштым ом возо, нуным тўрлӧ вере муын лудаш лиеш. Но шымлызе-влак у йўла шочмым нимогай калык дене раш огыт кылде. Шукын ожсо йўлам арален кодышо да Кечывалвел Уралыште илыше марий калык нерген огытат пале. А вет М. Нострадамусын икмыняр катренже у йўла шочмаш, рашрак лияш гын, ожсо йўла пӧртылмаш марий калык дене кылдалтме нерген раш ойла.

10.65

О огромный Рим (христианство), приближается твое разрушение!

Не твоих стен, но твоей крови и сущности.

Резкостью в письмах вызовет ужасную стычку /?/.

Острый клинок всем будет вогнан [в тело] по самую рукоятку.

Тыште Ностарадмус чыла ончылгоч ужын шоген: кызыт христиан йўла ожсо гай виян огыл, шагал огыл еҥлан тудо ок келше, ятыр еҥ ожсо - кугезе йўлам пӧртылташ тырша.

10.71

На земле и в воздухе будет столько замерзшей воды,

Когда придут в четверг воздать почести. Тот, кто это совершит, никогда не был столь прекрасным /не было столь прекрасного/.

С четырех сторон придут поклониться ему.

Тыште мом манаш лиеш: ожно марий лач 4 кечаш арня дене илен да лач изарня каныш – Юмылан кумалме кечылан шотлалтын. Арам огыл Кугече годым сорта лач изарнян чўкталтеш. Изарня - Перунов день, Юпитерын – Ю Ачан (Кава Юмын, Ош шўдырын) кечыже.

10.75

Столь ожидаемый никогда не вернется

В Европу, появится в Азии.

Один, вышедший из лиги великого Гермеса

Возвысится над всеми Восточными Королями.

Тыште кажне корныжым посна рашемдена.

Столь ожидаемый никогда не вернется (Иисус нерген ойлалтеш, Нострадамус тудо ок пєртыл манын воза, олмешыже вес пророк (ончыкужшо) толеш да у йўлам конда, рашрак лияш гын, тошто - акрет жапысе языческий йўлам пӧртылта.

В Европу, появится в Азии (моло катрен-влак Урал курыкым ушештарат, но Нострадамус илыме жапыште, тыгак вараракат, шукын пўтынь Российым, манаш лиеш, Азийлан шотленыт. Кужу жап Европа ден азий кокласе чеклан Юл эҥер шотлалтын. Тугеже Урал курык ден эрвел марий илыме вер Азийыште лийыныт).

Один, вышедший из лиги великого Гермеса... Тыште Гермес - чермыш, черемис шомак семын шокта. Чермыш - мари, ожсо йўлам арален кодышо моло калык укат. Тугеже, «один, вышедший из лиги великого Гермеса марий калык гыч лекше ик еҥ лиеш, але марий карт, онаеҥ-влак кокла гыч лекше ик еҥ.

Возвысится над всеми Восточными Королями. Корольым марлаже кугыжа гына огыл, тыгак он манаш лиеш. «Востосный кроль» шомакым тыгак эрвел наеҥ-влак манаш лиеш. Тугеже эрвел онаеҥ-влак коклаште ожсо йўлам пӧртылтышӧ еҥ лектеш.

10.79

Все старые дороги будут украшены.

Приедут в Мемфис, пройдя через вершину /?/.

Великий Меркурий заберет у Геркулеса цветок лилии

Заставляя дрожать землю, море и (многие) страны.

Великий Меркурий – Тыштат «мер» шомак. Меркурийым грек-влак Гермес маныныт тугеже адак «черемис» шомакым ужына. Адакшым Меркурий мутынат мут вожыштыжо «мер» мут уло. «Меркурий» шомак тыгак Мер курык шомаклан лишыл. Очыни, йўлана вияҥже манын, Мишкан районысо Мер курыкым – Тўня кумалтышым пӧртылтен тўзаташ кўлеш.

З у Геркулеса цветок лилии - можыч лилий сынан серлагышым кычалман? Кок вуян имне сынан марий серлагыш лач лилий сынан улеш. Ешараш гына кодеш: кок вуян имне сынан серлагыш Мер Юмын символжо лийын. Тугеже мыланна Мер Юмынам шарналташ да полышым лач тудын дечын йодаш кўлеш.

Заставляя дрожать землю, море и (многие) страны. Тыште мом каласаш лиеш: марий акрет жапысе йўлажым шымлен пєртылта гын, кава дечын чынжымак юзо вийым налеш. Вет Мер Юмо пўтынь айдеме-влакын кугезышт. Тудым ожсо семын жаплаш тўҥалмеке, ме Юмылан эн лишыл калык лийына.

10.96

Религия победит именем моря

/Религия, названная именем моря.../

Секту сыновей Адалункатива.

Непоколебимая секта побоится плача

/Упорно сопротивляющаяся/

Двух раненых Алефом и Алефом.

Мыланна тыште «Религия победит именем моря

/Религия, названная именем моря.../» шомак оҥай. Тўжвач ончалмаште, тудо ик марий юмо денат кылдалтын огыл. Но тиде тўжвач ончалмаште веле. Адак гынат могай калыкын да могай лўман юмо катреныште возалтын огыл. Тыште кеч-могай юмат лийын кертеш, тыгак марий Юмо. Мифологийым шымлаш гын, Марий Юмын лўмжылан лишыл лўман теҥыз юмат уло – тиде Йамму. Йамму – акрет жапыште кызытсе Сирий олмышто илыше семит тукым калыкын юмыжо. Нунын тўҥ юмышт Илу лўман лийын (Илу – кава, очыни, лач тышеч илыш шомак), а Йамму тудын йӧратыме эргыже улмаш. Но Баал Йаммум ондален сеҥен да властьым шке кидышкыже налын.

Тыште эше мо оҥай: финла кава – илма, юмо – Юмала. Илу ден Йамму юмо-влакым марий юмо-влак денат кылдаш лиеш. Мутлан, Илу Илыш Шочынлан (Илянымат шарналташ уто огыл) лишыл, Йамму, Илун эргыже семын, Мер Юмылан але Юмылан (ожсо значений дене).

Тыште палемден кодыман: марий йўлат, угарит йўлат вожышт дене шумер-влак деке шуйнат. Шумер-влакын кава юмышт Энлиль лийын, лач тышечын – Илу, тышечынак «илма» мут шочын кертын. Шумер-влак кугун Думу-зид юмыштым жапленыт. Ятыр могырчын тудо угарит-влакын Йамму юмыштлан, иран Йималан, индо-арий Ямалан да марий Юмылан лишыл. А Йамази кува ден Йамази кугызам шотыш налаш гын (Юмын мланде йымалсе сынжылан шотлаш лиеш), икгайлык эше рашрак коеш. Кеч-мо гынат, марийын уло йўлаже мланде паша дене кылдалтын, а мланде паша мемнан деке (тыгак моло калык декат) лач шумер-влак дечын толын. Тудын дене пырля – юмо-влак да малнде паша дене кылдалтше йўла.

Эше теҥыз мут ятыр йылмыште калыкнан лўмжӧ - «мер», «марий» шомак семын шокта. Мутлан, финла – meri, немычла – Meer, эстонла – mere, испанла – mar, французла – mer... Марий-влак ожно теҥыз воктене илыме нерген легенда-влакат улыт. Кӧ пала, ала калыкнан лўмжӧ лач теҥыз дене кылдалтын?

Кеч-мо гынат, кызытсе жаплан марий деч посна, ожсо языческий йўлам сайын арален кодышо моло калыккодын огыл. А Кечывалвел Уралым налаш гын, йӧршын уке. Тугеже ожсо йўлан уэш вияҥмыже лач мемнан дечын шога: шўм-чоныштына кугезе йўлам аралена да ашнена гын, тиде тул вияҥеш да у вий дене сескемалтын ылыжеш.

Эсен ЭЛАЙ, марий мушан.