Поро кумыл концерт эртен

Поро кумыл концерт эртен

30 апрельыште Мишканыште поро кумыл концерт эртен. Ынде идалык утла районысо марий-влак Мишкан воктенсе «Шукын кумалтыш» отым тўзатыме пашам шуктат.

Мо тугай шнуй ото? Марий-влакын кумалме верышт. Тудым руш черке, татар мечеть дене та‰астараш лиеш. Калык культурын ик ужашыжлан шотлалтеш.

Сандене Шукын кумалтышым печылен налаш тарваныме. Кодший пелыжым печылыме. Тидлан калык деч погымо, поро кумыл концерт гыч пурышо окса кучылталтын. Тений тиде саупле паша умбакыже шуйна. Апрель мучаште эртарыме поро кумыл концертым марий историй да

культура рўдер организоватлен.

Концерт сайын эртен. Тушто участвоватлыше-влаклан кугу таум каласыме шуэш. Тиде - 1-4 №-ан йоча садласе вокальный ден куштышо коллектив-влак, Ф. Буляков лўмеш лицейын да 2 №-ан Мишкан кыдалаш школын коллективше-влак, Мишкан селасе йоча искусство школ, «Vegas» куштышо ансамбль, «Эрвел» куштышо калык ансамбль, «™жара» вокальный калык ансамбль, «МуроЭм» вокальный ансамбль, «Мишкан кундем» квартет, мурызо-влак Н. Иванова, С. Каншаева да молат. Кумалтышым печылаш окса кызытат погалтеш. Тиде поро

пашашке вес кундемла гыч толшо артист-влакат ушнат. Марий Эл гыч толшо «Чоным почын мурена» творческий коллектив эн ончычак ушнен. Ме ўшанена, лишыл жапыште организатор-влак тў‰алме пашаштым мучашке шуктат.

А. ИБУЛАЕВ, марий историй да культура рўдерын тў‰ пециалистше.