Марий У ийым вашлийыныт

Марий У ийым вашлийыныт

Моско оласе финн-угор-влак пырля погынен астрономический У ий тўҥалмым палемденыт.

Шўдыр ончен у идалык 25 декабрьыште тўҥалеш. Эн кужу йўд-влак 21-22 да 24-25 декабрь йўдым лийыт. Молан манаш гын, 23

декабрьлан кече изишак кужемеш, но 24 декабрьлан уэшын кўчыкемеш. Тидлан кєра кече кужемаш тўҥалме дене кылдалше пайрем-влак акрет жапыште эре ятыр кече шуйненыт.

Марий Шочйол, Шорыкйолат кызыт арня шуйна, но ожно, Касвел Европысо Йоль семын, кужуракат лийын кертын. Южо еҥ марийын Шорыкйолжо У ий деч вара пура манынат кертеш. Но У ийже мо тугай? У ий – кече кужемаш тўҥалме жап. А тудет 25 декабрь гыч кужемаш тўҥалеш. Тидлан кӧра пўтынь тўнямбалне кугезе йўлам кучышо еҥ да калык-влак У ийым 22 гыч 25 декабрь марте палемдат.

Шорыкйол – Шочйол, Йольым – нине кечыла эртымеке. А южо вере – лач нине кечылаште. Вет кугезе йўла лач кече, тылзе да шўдыр-влак дене кылдалтын. Тидым шотыш налын, Моско марий да моло финн-угор-влак, пырля погынен, 23 декабрьыште астрономический У ийым

вашлийыныт.

Эрвел марий калыкымат волгыдо пайрем дене саламлена да У ийыште пиалан, суапан, таза-эсен лияш да кугезе йўлам мондаш огыл, кугезе сугыньым шуктен илаш тыланена да кугезе марий – меря мланде гыч шокшо саламым колтена!

Моско кундемысе арвуй-влак.