Кугезе йӱла ок мондалт

Кугезе йӱла ок мондалт

Ирсай ялыште Шелык кумалтыш эртен

9 июньышто Ирсай мланде тӱрлӧ кундемлаште илыше марий-влакым чумырен, вет тений тушто мондалташ тӱҥалше Кугу Шелык кумалтышым эртарыме.

Кугу Шелык кумалтыш шошо ага паша пытарымеке эртаралтеш. Тиде кумалтышым тыгак Кугу Агавайрем кумалтыш, Кугу лышташ маныт. Изи Агавайрем ден Изи Лышташ кумалтыш-влак шошо ага паша деч ончыч эртаралтыт. Йӱла моткоч ожсо улеш. Ӧрмаш, но тудет мланде пашам ышташ тӱҥалше икымше тиште-влак коклаште шочын да мланде паша дене ик таҥаш улеш. Каласен кодыман: мланде пашам тӱрлӧ калык коклаште тыглай паша семын веле огыл, а акрет йӱла дене пырля шарлен. Тӱрлӧ кумалтыш-влак тиде пашан ойыраш лийдыме ужашыже-влак лийыныт. Марий калык акрет жапысе ятыр тыгай йӱлам арален коден кертын: Изи Лышташ, Кугу Лышташ, Угинде пайрем, Покшым кува ден Покшым кугызалан пелештымаш...

Шелык, Агавайрем, Кугу лышташ кумалтыш нине пайрем-влак кокла гыч иктыже. Тудо ик эн вучымо пайремат лийын манын кертына. Вет чӱчкыдын тиде кумалтыш деч вара йоча-влак коклаште таҥасымашым эртареныт. Ӱдыр-эрге-влак посна тулото йыр чумыргеныт да тушто эр марте тӱрлӧ модмаш дене модыныт, муреныт, куштеныт. А кумалтыш да пайрем радам верже дене палын ойыртемалтын кертын. Мутлан Марий Элыште Агавайрем кумалтыш посна отышто эртаралтеш, Мишкан кундемыште – Шелыкыште. Шелык пасун куралде кодымо ужашыже. Эрвел марий-влак, чодырам куклымеке, ик ужашыжым куралде коденыт. Кугезына-влак тушто перкелыкым пуышо Мланде Ава ден Мланде Он илымылан ӱшаненыт. Шелык мландым тӱткын араленыт. Тушечын Кугече да Семык пайрем-влак годым мландым, а мланде дене пырля Перке Юмым ынышт шолышт манын, йӱдвошт ороленыт – пӱтынь ял дене тулото воктене шинченыт. Шелыкышке тыгак кум пырням пыштеныт, кум пырняже пӧртым ончыктен. Тыште иктым веле ешараш кўлеш: Пошкырт кундемыште кумдан палемдыме Сабантуй пайрем лач Шелык кумалтыш гычын шочын.

Кумалтыш кечылан Ирсай сельсовет сельский поселений администраций вуйлатыше Станислав Хазиевын тыршымыж дене Шелык кумалтышым веле огыл, Ирсай ял кумалтышымат тӱзатыме да печылыме. Ынде кок кумалтышымат мотор у вывеска-влак сӧрастарат. Ончыкыжым сельский поселенийысе моло кумалтыш-влакымат тӱзаташ палемдыме.

Ирсай ял шелыкышке марий-влак тӱрлӧ кундемла гыч толыныт: Моско, Озаҥ, Уфа олала, Калтаса, Караидель районла да Мишкан районысо тӱрлӧ ялла ден Мишкан села гыч. Кумалтышым ныл онаеҥ эртарен: Пошкырт кундемын кугурак картше Геннадий Пастиев, Моско олан картше Эдуард Миннибаев- Ояр, Озаҥ олан картше Виталий Головин да верысе мушан Эсен Элай. Кумалтышыш пагалыме уна семын БР вуйлатыше пелен государственно-конфессиональный отношений шотышто советын председательже Вячеслав Пятков, БР вуйлатыше пелен государственно-конфессиональный отношений шотышто советын советникше Руслан Карамышев, Мишкан район МР администраций вуйлатышын заместительже Лариса Александрова миеныт.

Кумалтышым кӱсле сем дене Васли Ольош сӧрастарен, оҥайлыкым тўжем ий ончычсо марий вургемым чиен толшо Алексей Шамукаев пуртен. А. Шамукаев 2 №-ан Мишкан кыдалаш школышто историйым туныкта, яра жапыштыже ожсо марий вургемым реконструироватла. Кумалтыште тыгак учын пашажым шуктен.

Кумалтыш сайын эртен. Тудын деч вара уна да карт-влак коклаште мутланымашым эртарыме. Тушто БР Правительство гыч толшо уна-влак марий йўлан келге вожшым, оҥайлыкшым, самырык тукымым куштымаште кӱлешлыкшым палемденыт, марий калыклан тудым арален кодаш да вияҥдаш тыланеныт.

Вячеслав КАМИЛЯНОВ.

Древние традиции живы

В деревне Ирсаево прошло моление «Шелык кумалтыш»

9 июня ирсаевская земля объединила мари, живущих в разных уголках нашей страны – здесь прошло начавшее забываться моление в честь окончания весенне-полевых работ.

Такое моление проводится после завершения весенне-полевой страды. Мари, живущие в разных местах, называют её по-разному: Кугу Агавайрем (Большой праздник поля), Кугу Лышташ (Большой лист). Моления перед полевыми работами называются «малыми»: Изи Агавайрем, Изи Лышташ. Этот обряд очень древний. Он зародился давным-давно среди первых земледельцев и является ровесником земледелия. Ведь земледелие распространилось по миру не просто, как отдельное занятие, а вместе со сложными верованиями и обрядами. Разные обряды были неотъемлемой частью земледельческих работ. Народу мари удалось сохранить и донести до наших дней многие из них, например: Изи Лышташ – весенний обряд перед началом полевых работ, Угинде пайрем – праздник нового хлеба, Покшым кува ден кугызалан пелештымаш – просьба богов заморозка сохранить озимые культуры...

Шелык, Агавайрем или Кугу Лышташ – один из этих обрядов. В старину он был одним из любимых праздников мари. Ведь обряд окончания весенне-полевых работ состоял не только из молений. После этого среди детей проводились разные состязания. Парни и девушки собирались у костра и играли в различные игры до самого утра. Обряд в разных местах проводился и проводится по-разному. Например, в Марий Эл Агавайрем проводится в отдельной роще, а в Мишкинском районе – на отдельной поляне, вернее части поля. Выкорчевав лес, восточные мари оставляли невспаханной отдельный участок. В древности верили, что именно там живут дающие изобилие Мланде Ава и Мланде Он (Мать и Отец Земли). По праздникам Кугече (Великий день) и Семык (Семик) землю в «Шелыке» охраняли всю ночь. Ведь вместе с землей с этого священного места могло пропасть и изобилие. Поэтому в такие дни там всю ночь горел костер и сидели селяне. В «Шелыке» укладывали три бревна, символизирующие древний марийский дом – кудо. Осталось только добавить, что всеми любимый в Башкирии праздник Сабантуй ведёт свое происхождение как раз от языческого обряда, проводимого

после весенне-полевых работ.

К молению население сельского поселения облагородило не только «Шелык», но и Священную рощу деревни Ирсаево «Ирсай ял кумалтыш». Теперь эту рощу украшает новый забор. Заменены и вывески. В этом огромная заслуга главы сельского поселения Ирсаевский сельсовет Станислава Хазиева. Но работа на этом не остановится. На территории сельского поселения есть и другие священные рощи.

На моление «Шелык кумалтыш» пришли люди из разных уголков нашей страны: Москвы, Казани, Уфы, Караидельского и Калтасинского районов, деревень Мишкинского района и села Мишкино. Моление проводили четыре марийских волхва: старший карт Республики Башкортостан Геннадий Пастиев, карт города Москвы Эдуард Миннибаев-Ояр, карт города Казани Виталий Головин и местный мушан Эсен Элай. На моление в качестве гостей приехали председатель Совета по государственно-конфессиональным отношениям при Главе РБ Вячеслав Пятков, советник Совета по государственно-конфессиональным отношениям при Главе Республики Башкортостан Руслан Карамышев и заместитель главы муниципального района Мишкинский район Лариса Александрова.

Моление игрой на гуслях украсил Васли Ольош (Алексей Ибулаев), роль помощника карта выполнял Алексей Шамукаев. А. Шамукаев преподаёт историю в школе № 2 села Мишкино. В свободное время занимается реконструкцией древней марийской одежды, предметов

быта и военного снаряжения. Благодаря ему, в этот день все пришедшие на моление смогли увидеть старинную марийскую одежду.

Моление прошло торжественно и чудно. После неё марийские карты и гости сели за круглый стол. Во время беседы гости из Правительства РБ отметили древность марийских обрядов, их значимость, уникальность для истории и науки и пожелали народу мари сохранить и преумножить это духовное богатство.

Вячеслав Камилянов