Калык календарь 7 - 13 май

Калык календарь

Кече 12 май марте Шорык тўшкашўдырыштє лиеш, 13 майыште Презе тўшкашўдырыш кусна. Тылзе тоштемеш.

7 май – Шўльым ўдымє кече. Тиде кечын шўльым ўдаш тў‰алман. 7 майыште шочшо е‰ юзо виян лиеш маныт. Пўртўсым эскерыме

кече. Тиде жапыште ваштар, тополь, куэ пеледыт. Тугеже, Шошым пайремым тиде кечынат палемдаш лиеш. Вет, кумдан палыме шымлызе

И. Н. Смирновын возен кодымыжо почеш, марий-влак тиде пайремым лач ваштар пеледме годым палемденыт. Рашрак лияш гын, чын шошо

толеш маныныт.

Тиде кечынат Илыш Шочын Авам жаплыман. Вет шошо тудын посна – йырваш чыла пеледмаш дене кылдалтше сынже улеш. Икманаш, тиде

кечын Йўштє йєршын се‰алтеш да Ош Кече вийым налеш. Тидлан кєра тиде кечынат нурышто тулым ылыжтыман. Тиде кече, тылзе тошто гынат, тыгак Агавайрем – Изи лышташ кумалтышым эртараш келшен толеш.

Шы‰а шуко гын, лектыш сай лиеш. Уржам йўран годым ўдет гын, пасу шўкан лиеш. Вўдшор пытен гын, эр ўдымє икияшым ўдаш тў‰алаш лиеш. Вараш ўдымє икияшым полан пеледмеке ўдыман. Кас ўжара нарынче тўсан гын, лишыл кечылаште йўр ок йўр. Шўдыр-влак йыр ош да шем кєрж-влак койыт гын, вашке йўр йўреш. Пыл-влак ўлнє ийыт да тўрышт шемалге гын, вашке таул мардеж лектеш да кўдырчан йўр йўреш.

8 май – Йўрым йодмо кече. Тиде кечын Мардеж Он ден Мардеж Ава, Йомше‰ер деч, идалык кукшо ынже лий манын, йўрым йодман.

Мурызо кайык-влакым вашлийме кече. Ожно мурызо кайык-влак лач тиде кечын толмылан ўшаненыт. Майыште кум сай йўр йўреш гын,

лектыш кум ийлан сита. Игече ояр гын, икияш ума. Пакчаште тыгыде кайык шуко гын, пакчасаска-влак умат. Шонанпыл кугу гын, игече сай

лиеш, изи гын – уда. Шопке кєржым колта гын, шўльє ума. Йўштє йўр чўчкыдын йўреш гын, мўй ок лий. Йўр йўрмє годым кайык-влак мураш тў‰алыт гын, игече тєрлана. Олмапу тиде кече марте пеледын огыл гын, олма шагал лиеш.

9 май – Пурса ден паре‰гым шындыме кече.

10 май – Пасум куралаш лекме кече. Мланде Авам, Мланде Водыжым жаплыме кече. Тиде кечын пасум куралаш лекташ сай. Но тидын деч ончыч Мланде Авам жаплыман – сай лектышым пуаш йодман.

11 май – Черле-влаклан куэ вўдым але моло ужар кушкыл гыч – нуж, изватешудо, йолшудо гыч ямдылыме эмым йўктымє кече. Йўд кава шўдыран гын, лектыш сай лиеш. Эр ўжара яндар гын, ке‰ежат ояр лиеш.

12 май – Тўрлє мужо-влакым шєрен колтымо кече.

13 май – Сєрасымаш-влакым эртарымым чарныме кече. Тиде кече гыч шошо ага паша пытымешке ожно сєрасен огытыл. Кас умыр, а йўд шўдыран гын, ке‰еж чевер да лектышлан поян лиеш. Игече шокшо да леве йўр йўреш гын, шурно ума.