Калык календарь 29 январь - 4 февраль

Калык календарь

Кече арня мучко Казатўкє тўшкашўдырыштє лиеш, 31 январь – тичмаш тылзе.

29 январь – Курго мыняр кодмым тергыме кече. Телылан ямдылыме курго пелыж деч шагалрак кодын гын, аныклаш тў‰алман.

Кастене кече йошкар тўсан гын, вес кече йўштє, но ояр лиеш. Игече поранан гын, ке‰еж йўран лиеш. Мардеж йўдвелчын пуа гын, йўштє лиеш. Игече йўштє шога гын, ке‰еж шокшо да кукшо лиеш. Лум лумеш гын, шудо ума да кол сайын чў‰гаш тў‰алеш.

30 январь – Пел теле кече. Пушто ўячам кўэштме кече. Тиде кечын, осал пурен ынже керт манын, оралтыш пурымо капка ончылым товар але сорла дене корыман.

Ур-влак тўшка дене ик пуше‰ге кєргыштє погынат гын, игече кужу жап йўштє лиеш. Рывыж лумыш возын гын, йўштє лиеш. Киса-влак эрдене йўштылан вычыматат.

31 январь – Локтызо-влакым поктымо кече. Тиде кечын вувер ден локтызо-влак кугу пайремышкышт погынат да тушто ушыштым йомдарымешке куштен-мурат. Нуно тидын годым тўньык гыч суртыш пурен осалым ыштен ынышт керт манын, тудым юлыман. Сурт-оралтыште локтызо ден вувер-лак шылын ынышт код манын, вича ден клатым сола але тоя дене кырыман.

Тылзе кєржан гын, пургыжта да йўштє лиеш. Кечывалым кече ояр гын, шошо вашке толеш, поран да пургыж лийыт гын – вараш толеш. Корак-влак тўшкашке чумырген чо‰ештылыт гын, йўштє лиеш.

1 февраль – Шошо могай лийшашым рашемдыше кече.

Тиде кече могай, февраль тугай лиеш. Игече чевер гын, шошо вашке толеш. Шолап гыч вўд йога гын, шошо вашке толшаш.

2 февраль – Кўдырчан кече. Тиде кечын телымат кўдырчє кўдыртен кертеш. Кўдырчє Юмо ден Волгенче Юмым жаплыме кече.

Игече ояр гын – шошо вашке толеш, пылан гын – март мучаште поран лиеш.

3 февраль – Тауштыме кече. Тиде кечын тыланда порым ыштыше-влакым шарналтен тауштыман. Мер Юмым - Вачўмбал Кугу Серлагышым, Сурт Серлагышым жаплыме кече.

Тиде кечын вате ден марий, уремыш пырля лектын, пуше‰ге гыч пєршым почкалтышаш улыт.

Кава яндар гын, йўштемда да лектыш уда лиеш. Тылзе ўдым пыл вошт онча гын, шурно ума.

4 февраль – Пел теле кече (южо вере лач тиде кечым телын пелыжлан шотлат – телын рўдыжє тўрлє кундемыште тўрлє; пел теле – пел кинде кечылан тыгак 6 февраль шотлалтеш, пел кинде кечылан – 5 февраль). Осал пургыж тў‰алме кече. Тиде кечын, йытын умыжо манын, ўдыр-влак кўнчыла тояш шинчын мунчалтышаш улыт.

Кече онча гын, шошо вашке толеш. Лум лумеш гын, шурно ума.