Калык календарь 20-26 август

Калык календарь 20-26 август

Кече арня мучко Лев тўшкашўдырыштє лиеш. 26 август – тичмаш тылзе.

20 август – Э‰ыж когыльым кочмо кече. Э‰ыж пытыме кече. Тиде кечылан э‰ыж чодыраште моткоч шагал кодеш але йєршын пыта.

Мыгылшўй-влакым (аист-влакым) эскерыме кече – нуно шокшо элыш чо‰ештен каяш погынаш тў‰алыт гын, шыже йўштє лиеш.

21 август – Пурак поктышо мардеж кече. Шемэ‰ыжым погымо кече. Тиде кечын мардеж-влак пуракым пєрдыктат да шокшым поктен колтат. Шокшо кужурак жап шогыжо манын, Мардеж Он ден Мардеж Авам жаплыман. Тиде кечын тыгак Покшым кува ден Покшым кугызам жаплаш кўлеш.

Пурак поктышо мардеж кече могай, январь тугай лиеш. Ке‰еж мучаште покшым возеш гын, вес ийлан лектыш сай лиеш.

22 август – Ушкал кече. Тиде кечын, калык ой почеш, ушкал шєрым пасушто кишке йўеш, сандене нуным ожно Ушкал кечын кўтўш колтен огытыл, а вўташте шогыктеныт да моло кече деч сайын онченыт.

23 август – Вўдым эскерыме кече. Вўдым кечывалым э‰ер ден ерлаште эскерыман: тудет кугун ок толкыналт гын, шыже ден теле тымык лийыт, телым осал поран утыж дене пургыжташ ок тў‰ал.

Игече шокшо шога гын, шыже ояр лиеш, йўр йўреш гын – шыже мучко йўреш.

24 август – Шорыкым тўредме кече. Тиде кечын шорыкым тўредман.

Ош имне кече. Калык ой почеш, тиде кечын купан верлаште ош имне кудалыштеш да озажым кычалеш. Тиде ош имне йомакысе Вўлтак лўман геройын аважым – Ош Вўльым ушештара. Имне, а ожнырак – шордо, пўртўс юмын сынже лийын, а имнешке сынан серлагыш-влак пўртўс юмо ден айдеме тукымын кугезыжым иктышке ушен шогеныт. Арам огыл Мер Юмым ожно тыгак «кавасе имнешке» маныныт, Кугече годым мландышке тудо шулдыран имньым кушкыжын вола. Ош имньын озажым кычалмыже, Ош Вўльын Вўлтак эргыжым кычалмым ушештара. Тиде кечын вес лўмжат – Вувер чо‰ештылме кече – йомак дене кылым пе‰гыдемда. Вет Ош Вўльє эргыжым колымаш деч утараш кычалеш.

Вувер чо‰ештылме кече. Калык ой почеш, тиде кечын куп ден шўгарла ўмбалне увер тул-влак чо‰ештылыт да йўшє-влакым кычалыт. Уремыште иктаж йўшым учырат гын, виклан саташтарат да а‰ыртарат. Но чынжым гын, конешне, куп ден шўгарла ўмбалне увер тул огыл, а

фосфор йўла. Но ожно тыгай тул деч моткоч лўдыныт.

25 август – Клатыште да пєрткоклаште арулыкым пуртымо кече.

26 август – Вўта, пєртончылно да кўварйымалне арулыкым пуртымо кече. Тиде кечын тыгак мардежым эскерыман: мардеж тымык гын, игече ояр лиеш, туманла гын – сентябрь йўран лиеш.