Калык календарь 18 - 24 февраль

Калык календарь 18 - 24 февраль

18 февраль – Ушкал азырен коштмо кече. Тиде кечын вича гыч вичашке ушкал азырен коштеш (курго шагал гын). Тудет вольыклан осалым ыштен ынже керт манын, Вольык Ильяным жаплыман – вичаш тошто йыдалым сакыман, ушкал тўкышкє – кинде шултышым, але ял йыр, тулык ватым кычкен, лумым курал савырныман. Илыш дене чеверласыше кугезе-влакым жаплыме кече.

Игече леве гын, ончыкыжым кугу йўштє ок лий. Игече йўштє гын, шошо кукшо лиеш, а ке‰еж – шокшо.

19 февраль – Презе кече. Калык ой почеш, тиде кече гыч ушкал-влак презылаш тў‰алыт. Вараксим ушкал ўмбач чо‰ештен кая гын, лўштыш уда лиеш. Ушкал йол йымалне ночко гын, тудо шєрым шагал пуа.

20 февраль – Шоган кече. Тиде кечын шоганым але шоган когыльым кочман. Комбычапа кече – тиде кечын комбычапа юзо виян лиеш. Тиде кечын тыгак кугезе-влакым уштыман.

Мардеж кечывалвелым пуа гын, икияш ума. Кўдырчє кўдырта гын, шудо удан кушкеш.

21 февраль – Пўкшерме шыркам колтымо кече. Тиде йўдым (юзо йўд), марий калык ой почеш, пўкшерме шыркам колта. Чодыраш миен шыркам колтышо е‰ ўмыр мучко пиалан лиеш, илышыжат ула‰еш.

Сорла кече. Тиде кечын 26 декабрьыште омса са‰га йыкышке керлме сорлам лукман, эрыктыман да пўсемдыман. Кастене, пашам писын ыштыже да пўсє лийже манын, тылзылан ончыктыман. ™дыра-маш-влаклан тиде кечын Перке Юмо деч шурно перкем йодман.

Игече йўштє шога гын, март леве лиеш. Пургыжта гын, идалык пўкшан лиеш.

22 февраль – Йондалым пидме кече. Ке‰ежлан йондалым пидаш тў‰алман.

Йўд пычкемыш гын, шошо вашке толеш.

23 февраль – Шошо шижылтме кече. Тиде кече гыч шошо шижылташ тў‰алеш.

24 февраль – Ушкал пайрем. Вольык Ильяным жаплыме кече. Тиде кечын ушкалым сайын пукшыман, моло пашам ышташ ок йєрє. Ушкал

пайрем годым тўрлє екысуко-влак йыкла гыч лектыт да осалым ышташ тыршат. Нуно вича ден пєртыш пурен ынышт керт манын, сурт йыр шикш дене кордыл лекман. Уржа кинде дене кумалман да тиде киндым вольыклан пукшыман.