8 январь – Илыш Шочын Авам жаплыме кече.

8 январь – Илыш Шочын Авам жаплыме кече. Тиде кечын мландымбалне уло чонанлан илышым пуышо Илыш Шочын Авам жаплыман, тауштыман да телым сайын илен лекташ йодман. Кава менге - Шӱдырыштӧ верланыше Илыш Шочын Ава мландышке коклан йӱксӧ сыным, коклан куку сыным налын вола. Арам огыл калык мурышто муралтеш: "Йӱксӧ чоҥешта шӱдыр ужын, Куку чоҥешта ер ужын". Мурышто Шӱдыр - Полярный шӱдыр. Ер - Кайыккомбо корно - Млечный Путь. Кукужо - Малая Медведица. Йӱксыжӧ ик ой почеш тудак, вес ой почеш - Йӱксӧ тушкашудыр. Ятыр ожно Кава меҥге - Шӱдыр лач тиде тӱшкашӱдыр воктене лийын.

Кышал пайрем. Тиде кечын кышалым шолтен кочман.