28 декабрь – Кечыйолым ырыктыме кече.

28 декабрь – Кечыйолым ырыктыме кече. Тиде кечын Кече Ава мландышке осал ден кюлдымаш-влакым поктен колташ икшывыже-влакым колта. Но нунышт эше виянжак огытыл, сандене нунылан полшаш манын, эрдене оралтышке шокшо шолгымым лукман да лумыш кудалтыман. Вес ой почеш, Кече йолжо дене мландым тошкен ошкылеш, но шукерте огыл шочшо кечын йолжо эше изи да вашке кылмен кертеш, сандене тудым ырыкташ кӱлеш.

Тиде кечын игече могай, март тугай лиеш. Пӧрш возеш гын, шӱльӧ ума. Пасушто лум шыма гын, лектыш уда лиеш.