24 июнь – Пӱрышӧ коштмо кече.

24 июнь – Пӱрышӧ коштмо кече. Тиде кечын шудо ден лышташ-влакым кӱраш ок лий. Вет, калык ой почеш, пасула ден олыклаште Пӱрышӧ Юмо коштеш да еҥ-влаклан пӱрымашым шалата. Кӧ пӱртӱсым локта – кугу эҥгекыш логалеш. Вес ой почеш, мланде мучко Пӱрышӧ огыл, а Кӱсӧ Юмо коштеш да кушкыл ден чонаным эскера. Поро еҥ-влаклан порым ышта, осал еҥ-влакым – шекландара.

Палдарыман: марий йӱлаште кок Пӱрышӧ уло. Иктыже - пӱрымаш юмо, тудет Ригведысе Пурушалан лишыл, кумалтыш мутышто тудлан (Пуруша семын) тӱняш чоненыт пуенат манын ойлалтеш.

Весыже - булгар йӱла гыч пурышо Пӱрышӧ - Пуйырышо (чувашла - пирешти, марлаже - суксо лиеш, зороастризмысе фраваши мут гыч толын, тыге зороастрист-перс-влак лӱмлӧ кугезыштым, нунын ӧртшым - шыртшым маныныт. Коклан марий Пӱрышӧ - Пуйырышо тӱрлӧ юмын полышкалышыже да суксын синонимже семын кучылталтын кертеш. Пӱрышӧ ден Пуйырышым посна кок юмо семын, мутлан 1773-74 ийлаште И. Г. Георги возен («Описания всех обитающая в российском государстве народов»): "Наиболыше же они прилепляются к следующим богам, а именно: к Пурикше, Пудгурше Юме, к Кудорче Юме, под коим разумеют они грозу, к Пуеимбаре Юме..." Южо шымлызе тидын дене ок келше. Но тыште ӧршаш уке. Вет ожно кажне карт але мушан марий йӱлам шке семынже ужын. И. Г. Георги тидын нергенат возен:" Что же касается до имен их богов и до умоначертання о исправляемых ими делах, то они в том между собою не согласны, потому что один мушан предъявляет оных много, а другие меньше. При том же и в случае изпрошения помощи по одним и тем же самым делам обращаются к разным божкам".

Мучашлан ешараш гына кодеш: марий Пӱрышӧ булгар-влак дечын кӱсынлымӧ юмо огыл, а акрет жапысак. Вет булгар-влак дечын кӱсынлалтеш гын, суксым ончыкта ыле, а пӱрымашым огыл. Нунын пӱрымашым пӱрышӧ юмышт - Кепе.

Келгынрак шымлаш гын, пурылык (жертва) мутат Пӱрышӧ-Пурушан лӱмжӧ дене кылдалтын. Вет тӱня лач тудын ужашыже-лак гычын шочын. Кумалтыш годым пурылыкым пуымаш Юмын тӱрлӧ ужашыж гычын тӱня шочмым сиволизироватла.

24 июнь - День Бога Пӱрышӧ (Определяющий судьбу). В этот день нельзя рвать травы и листья. Ведь, по народному поверью,по земле ходит Бог Судьбы и предопределяет людские судьбы. Кто наносит вред природе, попадет в неприятности. По другой версии по земле ходит Бог Кӱсӧ - Бог Природы. Добрым людям он делает добро, злых наказывает.

Надо отметить: в марийской мифологии есть два разных Пӱрышӧ. Один из них - Бог Судьбы, он близок к Пуруше из "Ригведы". В марийских молитвах говорится, что он (как и Пуруша) дал свою жизнь миру.

Второй Пӱрышӧ, или Пуйырышо, заимствован из тенгрианства булгар (у чуваш - пирешти, в значении - ангел, слово заимствовано из зороастрийского фраваш - дух предков). Иногда он может быть при других богах и близок по значению слову ангел (суксо).

Что же касается до имен их богов и до умоначертання о исправляемых ими делах, то они в том между собою не согласны, потому что один мушан предъявляет оных много, а другие меньше. При том же и в случае изпрошения помощи по одним и тем же самым делам обращаются к разным божкам. Наиболыые же они прилепляются к следующим богам, а именно: к Пурикше, Пудгурше Юме, к Кудорче Юме, под коим разумеют они грозу, к Пуеимбаре Юме...

Из «Описания всех обитающая в российском государстве народов», составленного И. Г. Георги, 1773-74 гг.

Марийское слово "пурылык" - жертва тоже связано с именем Пӱрышӧ-Пуруши. Жертвоприношение на молениях символизирует рождение мира из разных частей бога.