19 июнь – Кӱсӧ тӱҥалтыш.

19 июнь – Кӱсӧ тӱҥалтыш. Тиде кечын Кӱсӧ Юмо лӱмеш (пӱртӱс юмо) пайрем тӱҥалеш. Ты жапыште шордо сынан Кӱсӧ Юмым - пӱртӱс юмым (тудым кызыт Кугу Илыш Шочын манына) жаплыман, тудын дене пырля кавасе кугезына Кугыеҥым (Мер Юмым) да моло кугезына-влакым уштыман. Ожсо марий Кӱсӧ пайремын кугезе-влакым уштымо дене кылдалтше ужашыжым кызытсе Семык вашталтен. Кӱсӧ – кугезына-влакын мланде пашам ышташ тӱҥалме деч ончычсо пайремышт.

Сомылымо кече. Тиде кечын пасум сомылаш тӱҥалман.

Вӱдӱдыр пайрем. Ты жапыште вӱд гыч вӱдӱдыр-влак лектыт да сер воктене куштат. Нунын дечын поснак марлан лекдыме ӱдыр ден изи

йоча-влаклан шекланыман. Нуно эртыше еҥым пырля кушташ ӱжыт да колымешкыже куштыктен кертыт. Вӱдӱдыр-влакым тыгак корнывожышто, пеледше олык ден аланлаште да шӱгарла воктене ужаш лиеш. Но вӱдӱдыр-влакым олыкла ден аланлаште юлышо ӱдырымаш да ӱдыр-влак дене пулаштараш лиеш. Вет ты жапыште нуно лектыш сай лийже манын юлат – Вӱд Ава ден Йомшеҥер деч шурным сайын кушташ йодыт. Икшыван ӱдырамаш-влак памаш воктене кушшо пушеҥге парчашке икшывыштын тошто вургемыштым сакен кодат. Тидым ыштет гын, нуно таза-эсен лийыт манылдат.

Тичмаш тылзе годым шӱкшудым кӱрман огыл – пайдаже ок лий, уэшын писын кушкеш.