18 декабрь – Йӱштӧ вийым налме кече.

18 декабрь – Йӱштӧ вийым налме кече. Йӱштӧ кугыза кычкыралеш гын, лум лумеш, йолжо дене тошкалеш гын, чодыра гӱжла. Тиде кечын чодыра ден пасушко кошташ тыршыман огыл – Йӱштӧ кугыза саташтарен да кылмыктен кертеш. Тыгак ыштыме паша ушнен ок тол. Имне оза-влаклан вурседылаш ок лий – эҥгек лиеш.

Ур-влак пушеҥге гыч мландыш волат гын, лывырта. Ӧрш мура гын, лум лумеш, пургыж лектеш. Тиде кечын сӧрасаш мийыше-влак пиалан лийыт.