14 ноябрь – Шыже дене чеверласыме да телым ўжмє кече.

14 ноябрь – Шыже дене чеверласыме да телым ўжмє кече. Калык ой почеш, тиде кечын шыже мемнан дене чеверласа, а теле эше толын ок шу, сандене тудым ўжман.

Икымше йўштє кече. Тиде кечын икымше йўштє толеш.

Чыве пайрем – тиде кечын чыве шылым кочман.

Апшат кече – тиде кечын апшат-влакым жаплыман, нунылан гын апшатыште пашам ыштыман огыл. Тиде кечын Кугыеҥ ден Мер Юмым, рашрак лияш гын, Мер Кугыеҥым шарналташ уто огыл. Вет тудет икымше кугыжа, икымше кӱслезе веле огыл, тыгак икымше апшат лийын. Калевалыште тудо Ильмаринен лӱмым нумалеш. Ильмаринен, марлаш кусараш гын, кавасе марий, але Юмынэрге (Юмын марий) лиеш. Келгынрак шымлаш гын, акрет жапыште Ильмаринен ден Ильматар икымше мужыр лийыныт манын кертына. Марий-влакын икымше мужырышт Юмынӱдыр ден Юмынэрге лийыныт. Рашрак лияш гын, Юмо ӱдыр ден Юмо эрге. "Ригведысе" лӱмышт Яма ден Ями, "Авестысе" - Йима ден Йимак. "Калевалыште" кӧ икымше айдеме лиймым раш возымо огыл. Икымше айдемылан Калевым, Ильмариненым, Вяйнямёйненым шотлаш лиеш. Но ик еҥымак тӱрлӧ вере тӱрлын манын кертыныт. Мутлан, марий-влакат южо вере Мер Юмо ден Кугыеҥым кок юмылан шотлат. Южо вере Мер Кугыеҥ маныт. Вет Мер Юмат, Кугыеҥат Орион тӱшкашӱдыр дене кылдалтыныт.

Ӱдыр пайрем. Тиде кечын ўдыр-влаклан погынен изирак пайремым ыштыман, тушко самырык каче-влакым ўжман.

Пушеҥгыште лышташ йоген пытен огыл гын, вес ий лектыш ударак лиеш.

Эсен ЭЛАЙ, марий мушан.