13 январь – Васли водо. Тошто У ий водо.

13 январь – Васли водо. Тошто У ий водо.

Васли кече манмаш Велес юмын лӱмжӧ дене кылдалтын. Лӱмжӧ финн-угор вольы - пӱчӧ, имне мутлан лишыл. Лач тышеч марий вольык мут шочын. Вольы ожно пӱчым ончыктен, варажым имным - вӱльыш савырнен. К букваже кадем годым шуко чотым ончыктышо суффикс лийын. Вольы - пӱчӧ але имне, вольык икмыняр пӱчӧ але имне. Шуко чотым ончыктышо акрет суффикс тыгак шаньык мутышто аралалт кодын.

Йӱдым игечым эскерыман: мардеж кечывалвелчын пуа гын, игече шокшо да сай лиеш; касвелчын пуа гын, идалык шӧрлан да коллан поян лиеш; эрвелчын пуа гын – емыж ума. Пушеҥгыште пӧрш шуко гын, мӱй лектыш сай лиеш.