13 декабрь – Вӱд колыштмо кече.

13 декабрь – Вӱд колыштмо кече. Тиде кечын вынемыште веле огыл, тыгак эҥер ден ерлаште вӱдым колыштман. Йӱк шокта гын, поран лектеш але чатлама йӱштӧ лиеш. Вӱд шып гын, теле сай лиеш. Теле сай лийже манын, йӱкланыше вӱдым суртышко коштал кондыман да лыпландараш посна атыш пыштыман.

Эмлызе-влакын кечышт. Тиде кечын эмлызе-влакым жаплыман, эмлыше-влакым тауштыман.

Тиде кечын лум лумеш гын, эше 110 кече кия. Игече ояр гын, кеҥежым лектыш сай лиеш. Тул коҥгаште чот йӱла гын, йӱштӧ толеш.