Келшымаш
-20 °С
Пылан
Все новости
Туризм да экологий
19 Ӱярня 2021, 10:52

Аралыше лийын огыт шоч

2021 ий 12 мартыште Мишканыште «Путник» рўдер пелен «Аралыше-влак, ончыко!» республиканский конкурсын зональный этапше эртен. Таҥасымашын зональный этапыштыже Кушнаренке, Бирск, Бурай, Балтач, Благовещенск, Янаул да Мишкан районласе команда-влак участвоватленыт. Мемнан районын чапшым 1 №-ан лицейын нылымше классыште тунемше-влак араленыт (класс вуйлатышышт Т. Петрова).

Аралыше лийын огыт шоч
Таҥасымашын программыже кандаш этап гыч шоген: «Наставник-влакын конкурсышт», «Полоса препятствий», «Ориентирований», «Капитан-влакын конкурсышт», «Корно движенийын безопасностьшо», «Робототехника», «Краеведений», «Экологий». Чыла этап тунеммылан, лўдыкшыдымо койышлан да неле ситуацийыште весылан
полшымылан келыштаралтын.
Конкурсын участникше-влак чыла этапым сайын эрташ тыршеныт, команда дене пашам ыштен моштымыштым ончыктеныт.
«Аралыше-влак, ончыко!» конкурсын зональный этапшым «Путник» йоча-юношеский туризм, экскурсий да патриотический воспитаний рўдер эртарен. Эртарыме условий, судья пашам «Путник» рўдерын педагогшо-влак, ронон методистше-влак, 2 №-ан школын да 1 №-ан лицейын туныктышышт-влак шуктеныт.
Таҥасымашын итогшо почеш абсолютный чемпионыш Мишкан районын командыже лектын, балтач-влак кокымшо
верыш, Кушнаренке районын командыже кумшо верыш лектыныт.
Сеҥыше команда Уфаште республиканский таҥасымаште участвоватлаш тўҥалеш.
В. АГЛЯМОВА.