+33 °С
Ясно
Туризм да экологий
31 Декабря 2020, 21:00
Мемнан туристна-влак чыла кертыт
2019 ий 16-21 июльышто Смоленск область Демидовский районысо Новоселкий илемыште «Туристический слет учащихся Союзногогосударства» эртен.
Мемнан туристна-влак чыла кертыт
Слетышто Россий Федерацийын 26 субъектше гыч 400 утла еҥ участвоватлен. Нунын коклаште Башкортостан Республикын
командыжат лийын. Мемнан республикын командыштыже Бирск олан да Мишкан селан туристше-влак лийыныт. «Путник»
рӱдер гыч республикын командышкыже Ильгиз Саетгареев ден Ильмар Батыров логалыныт.
Таҥасымашын программыштыже команда-влакым палымым ыштыме, «Туристические навыки», краевед-влакын, туристический газет конкурс-влак лийыныт. Спортивный ориентирований, йолешке туризм техникыште туристско-прикладное многоборье дене таҥасымаш-влак эртеныт. Мемнан командына мастарлык шот дене адакат ойыртемалтын. Ильмар Батыров «лично-короткая» дистанцийыште 70 утла юниор коклаште кумшо верым налын. Мемнан туристна-влак коктынат «пешеходная» вид дене командный зачетышто ший призер, контрольный туристский маршрутышто той призер лийыныт. Рвезе-влак конкурсный программылаштат ойыртемалтыныт: «туристские навыки» - кокымшо вер, краевед-влак конкурсышто кумшо лийыныт.
Фирдаус КАДИКОВА ямдылен.
