Келшымаш
-26 °С
Пылан
Все новости
Туризм да экологий
30 Шыжа 2020, 16:01

Конкурс кышкарыште оҥай экскурсий

20 октябрьыште Мишкан районын командыже, зональный конкурсышто сеҥыше семын, тунемше-влакын «Защитники, вперед!» республиканский конкурсышто чолган участвоватлен.

Конкурс кышкарыште оҥай экскурсий
Конкурс Уфаште туризм рӱдер пелен эртен. Мемнан командын составыштыже 1 №-ан лицейыште тунемше-влак Дмитрий Пашкин, Николай Айкашев, Богдан Андреев, Владимир Кугубаев, Михаил Биктубаев, Карина Аглямова, Полина Яманаева лийыныт (вуйлатышышт 1 №-ан лицейыште тӱҥалтыш класслаште туныктышо Д. Валиева ден «Путник» рӱдерын методистше Е. Биктышева).
«Защитники, вперед» - тиде тӱҥалтыш класслаште тунемше-влакын команда дене таҥасымашышт. Тудо тунемше-влакым гражданский, патриотический воспитатлымашке да таза илыш-йӱла деке ушаш виктаралтын. Республиканский конкурс кышкарыште юнармеец-влак Уфаште ВДНХ-Экспошто верланыше «Россия - моя история» музейын «Знаменосцы Победы» интерактивный площадкыште лийыныт. Йоча-влак «От великих потрясений к Великой Победе. 1941-1945» картиным онченыт. «Знаменосцы Победы» площадкыште йоча-влак очким чиен, виртуальный илышыш пуреныт да Рейхстаг ӱмбаке шке сеҥымаш знамяштым шогалтеныт. Импровизированный землянкыште юнармеец-влак фотом ыштеныт да социальный сетьлашке луктыныт. Конкурсышто участвоватлымылан, площадкын да викторинын условийыштым шуктымылан призым да шарнымаш пєлекым налыныт.
В. АГЛЯМОВА .