Келшымаш
-13 °С
Лум
Все новости
Туризм да экологий
14 Сорла 2020, 12:16

Пӱя воктене субботник

Пытартыш жапыште пӱртӱсым локтылмо ваштареш кугу паша шукталтеш гынат, шотдымо койышан еҥ-влак коклаштына ситышын улыт улмаш. Теве Мишкан воктенсе заправка шеҥгелне улшо пӱя воктене еҥ-влак шокшо игече годым эре шуколийыт.

Пӱя воктене субботник
Пытартыш жапыште пӱртӱсым локтылмо ваштареш кугу паша шукталтеш гынат, шотдымо койышан еҥ-влак коклаштына ситышын улыт улмаш. Теве Мишкан воктенсе заправка шеҥгелне улшо пӱя воктене еҥ-влак шокшо игече годым эре шуко
лийыт.
Иктышт йўштылаш мият, весышт колым эҥырат, еш дене канаш мийыше-влакат шуко лийыт. Адакшым тений тиде пӱяште ир лудо-влак ешышт дене илат. Нуным ончаш мийыше-влакат ятыр улыт.
Чыла сай. Но… Канаш мийыше-влак деч вара пӱя сер «настоящий свалкыш» савырна. Шке почеш эрыктен кодаш мемнан дене але мартеат тунем огыт шу. Пластик шиша, полиэтилен пакет да моло шӱкшак пӱя воктене кажне кечын моткоч шуко
погына.
Чыла тиде сӱретым «Путник» рӱдерын пашаеҥже-влак ик гана веле огыл ужыныт да ик кечын ты пӱя серым эрыкташ лектыныт.
Эрыктыме деч вара пӱя сер могай мотор коеш. Ончалза, шке ужыда.
Ф. КАДИКОВА ямдылен («Путник» рӱдерын материалже почеш).