Мобильный бригада пашам ышта

«Демографий» национальный проектын «Кугурак тукым» федеральный проектше кышкарыште БР-се Еш, паша да калыкым социально аралыше министерство 65 ияш деч кугурак-влаклан медицина учрежденийлашке медосмотрым да диспансеризацийым эрташ миен толашышт йӧным ышташ манын, мобильный бригада-влакым ышташ пунчалын.

БР-се Еш, паша да калыкым социально аралыше министерство да БР-се здравоохранений министерство пеҥгыдемдыме территорий-влак дене келшымашым ыштен (Пўрӧ, Мишкан, Аскын, Караидель район-влак). План-график дене келшышын, а тудет ЦРБ тўҥ врач-влак дене келыштаралтын, мобильный бригада илемлашке лектын коштеш да илалше-влакым медицина учрежденийлашке наҥгая. Тидын годым илалше-влакын пеленышт ЦРБ фельдшер ден социальный паша шотышто специалист лийыт.
Мобильный бригада районыштына 2019 ий гыч пашам ышта. Пашажым калык сайлан шотла. Илалше-влаклаын полшымаш сомыл теният шукталтеш. Мобильный бригадын полышыжо кўлеш гын, Мишкан ЦРБ-ш йодмашым возыман.
Н. ГАЛИМЗЯНОВА.