Келшымаш
+19 °С
Пылан
Все новости
Тазалык
15 Шыжа 2021, 10:47

Вирус тургыжландара

6 октябрьыште Мишкан район МР администрацийыште коронавирусный инфекций шарлымым сорлыклымо шотышто оперативный штабын заседанийже эртен

Вирус тургыжландара
Вирус тургыжландара

Заседанийым муниципалитет вуйлатыше П. Трапезников вўден. Погынымашке районысо организаций, учреждений да предприятий вуйлатыше-влакым ўжмє.
Тушто районыштына сак лийме режимым пуртымо нерген каҥашыме.
Погынышо-влак ончылно Мишкан район МР администраций вуйлатыше П. Трапезников, тудын икымше заместительже Л. Александрова, врач-эпидемиолог И. Искандаров выступатленыт. Коронавирус шарлыме да вакцинацийым ыштыме шотышто йодыш районыштына пўсын шога. Администраций вуйлатышын мутшо почеш, тачысе кечылан калыкын 47 процентше гына прививкым ыштыктен. Илалше-влак вакцинацийым ыштыкташ огыт вашке. Тидлан кӧра районыштына, пўтынь республик семын, санкционный мера-влак пурталтыныт. Нуно тыгай улыт: 2021 ий 4 октябрь гыч государственный але муниципальный музейыш, выставке залыш, библиотекыш, театрыш, кинотеатрыш, концерт залыш, Культура пӧртыш, физкультур да спорт мероприятийлашке вакцинацийым эртыме
нерген сертификат але коронавирус дене шукерте огыл черланен паремме нерген (куд тылзе) справке почеш гына пураш лиеш; 2021 ий 12 октябрь гыч тыгай
документ-влак сатулымо рўдерыш (комплексыш), частный музейлашке, выставке заллашке, библиотекыш, театрыш мийыме, междугородний автобусыш да «Орлан» пригородный поездыш шичме годым ончыктыман; 2021 ий 18 октябрь гыч сертификатым але справкым моторлык, косметик, массаж салоныш, СПА-салоныш, солярийыш, мончаш, сауныш, ФОК-ыш, фитнес-клубыш, бассейныш да столовыйлашке (50 да утларак веран) пурымо годым ончыктыман лиеш.
Йодмаш 18 ийым темыше да кугурак-влаклан тўкна. Павел Владимирович нине мера-влакым шуктымым тўткын эскераш кўштен. Ушештарена: кызыт общественный верлаште маскым чиен коштман да еҥ-влак кокласе дистанцийым эскерыман.
Венера АГЛЯМОВА.

Вирус тургыжландара
Вирус тургыжландара
Автор:Венера Аглямова