Келшымаш
-1 °С
Облачно
Все новости
Тазалык
10 Сентябрьыште , 11:24

Айдемын илышыже верч

Мишкан районышто вакцинаций план дене келшышын эрта

Айдемын илышыже верч

Вакцинацийым калык районысо чыла илемыштат ыштыкта. Йылмышке олян-олян «коллективный иммунитет» медицинский шомак пура. Выездный мобильный медицинский бригада-влак иктаж илемыш кажне кечын мият.
Шукерте огыл нуно Шаде Шогертен ялыш миеныт. Тиде ял кугу огыл, тушто 138 еҥ ила. Мишкан села деч ятыр тораште верланен огыл – ял марте 10-12
километр. Кєн техникыже уло, Мишкан рўдє районный больницыш шагат жапыште миен шуын кертыт. Техникыдыме еҥлан, конешне, нелырак – кугу корно
марте изишак ошкылаш перна. Но ялыште ФАП пашам ышта, илалше да черле-влак икымше йодышым йодын тушко миен кертыт. ФАП ялышке пурымаштак
верланен. Тудым Светлана Дмитриевна Бикнязева вуйлата. Мемнан мийыме кечын Светлана Дмитриевна плановый приемым эртарен. А калык шагал огыл
погынен – 15 еҥ але шукыракат. Тидлан амал лийын – тиде кечын ФАП-ыште коронавирус деч прививкым ыштыме.
- Ял калыкын утларак ужашыже прививкым уже ыштыктен, - ойла верысе фельдшер. – Иммунизаций тазалыкыштлан эҥгекым ыштыме шотышто вуйшиймаш
уке. Прививкым чыланат сайын чытат. Черланыше-влак укелыт.

Вакцинацийым ончыл радамыште ялыште эн илалше Кульбика Яшкузиновна Акбульдина ыштыктен.
Тиде кечын ме, илалше-влаклан продуктовый наборым шалатыше-влак дене пырля, тудын декат пурен лектынна. Пашан ветеранжылан продуктовый наборым
кучыктышо Н. Шамшиева прививкым лўдде ыштыктымыжлан тау мутым ойлен. Кульбика Яшкузиновна илалше улеш гынат, пєртыштыжє арулык озалана. Тудо
суртыштыжо чыла сомылымат шке ышта. Шукерте огыл пареҥгым луктын.
Варажым ме пашан вес ветеранже – Алефтина Михайловна Яшкельдина деке каенна. Тудо мемнам моткоч шокшын вашлийын, чайым йўаш ўжын. Но мемнам
корно умбакыже вучен. Наталья Анатольевна Алефтина Михайловналанат продуктовый наборым кучыктен да таза лияш тыланен.
ФАП-ышке пєртылмеке, ме тушто вакцинацийым ыштыкташ черетым вучышо эше икмыняр е‰ым учыренна. Фельдшер С. Бикнязева шке пашажым вашкыде, кўлеш семын шуктен. Кажне еҥлан, уколым ыштыме деч вара, прививка деч вара мом ышташ лиймым, мом ышташ ок лийым умылтарен. Ял калык Светлана
Дмитриевнан каҥашыжым тўткын да ўшанен колыштын. Молыча ок лий. Вет тудо айдемын илышыж верчын тырша.
В. КОНДОГИН.

Айдемын илышыже верч
Автор:Вениамин Кондогин