«Таза ял» проект стартым налын

Проектын цельже - рес- публикысе яллаште илыше-влак коклаште коронавирус инфекций ваштареш вакциным ыштыше-влакын чотыштым кугемдаш коллективный иммунитетым шочыкташ.

Коллективный вакцинацийыште чыла яллаште илыше-влак, тыгак ялласе медицина пашае‰-влак, ял староста да ялласе мер пашае‰-влак 31 август марте участвоватлен кертыт.
Вакцинацийым ыштымаште кўкшє показательыш шумым рашемдаш «Таза ял» проектын операторжо-влаклан участник-влаклан оценкым шындыме критерий палемдалтеш. Яллаште тиде отношений икымше компонент дене вакциным ыштыше-влакын чотышт ялыште илыше, прививкым ыштышаш е‰-влакын чумыр чотышт дене аклалтеш, тидын годым прививкым ыштышыже 80 процент деч шагал лийшаш огыл (тышке медотводым налше-влак огыт пуро).
Ялысе медицина пашае‰, староста да мер пашае‰-влак калык коклаште умылтарыме пашам саемдышаш улыт.
Проектын итогшо почеш се‰ышыш лекше участник-влак (оргкомитет палемда) диплом да окса приз дене палемдалтыт.
«Таза ял» проектын операторжылан «Башкортостан Республикысе муниципальный образований-влак совет» ассоциаций шотлалтеш. Ты проектыште тыгак Башкортостан Республикысе здравоохранений министерство, потребитель-влакын праваштым аралыме шотышто федеральный надзор службын Башкортостан Республикысе управленийже, «Башкортостан Республикысе гигиена да эпидемиологий рўдер» федеральный бюджетный здравоохранений учреждений участвоватлат.
4 августышто Марий историй да тўвыра рўдерыште муниципалитет вуйлатыше-влак мер пашае‰, сельский поселений, организаций, предприятий да учреждений вуйлатыше-влак дене вашлийыныт. Вашлиймашын участникше-влак «Таза ял» проектым ка‰ашеныт.
Мероприятийым Мишкан район администраций вуйлатыше П. Трапезников почын. Тудо вашлиймашке толшо-влак дене саламлалтын да ка‰ашышаш йодыш дене палдарен.
Район администраций вуйлатышын икымше заместительже Л. Александрова ял-влакын проектыште участвоватлыме условий да положений нерген умылтарен, а Мишкан рўдє районный больницын тў‰ врачше районышто вакцинаций кузе кайыме нерген палдарен.
Ушештарена, проектын участникше-влак оргкомитетын иктешлымашыж почеш се‰ыше радамыш логалыт гын, диплом да окса премий дене палемдалтыт. Ял-влак коклаште икымше верым налше ял 450 тўжем те‰гем налеш, кокымшо верыш лекше кок ял 400 тўжем те‰ге дене, да кумшо верым налше кум ял 350 те‰ге дене окса премийым налыт.
Медпашае‰-влаклан премийын кугытшо 15 тўжем те‰ге, ял староста да мер пашае‰лан - 10 тўжем те‰ге. Республикыште чылаже 25 медпашае‰ да тынарак мер пашае‰ палемдалтеш.
«Таза ял» проект нерген раш уверым Ассоциацийын сайтыштыже рашемдаш лиеш.
С. Тоймурзина.