Келшымаш
-1 °С
Облачно
Все новости
Тазалык
5 Сорла , 12:37

«Еҥым эмлаш - мыйын пўрымашем»

Фарида Гизитдинова изинек медицина пашае‰ лияш шонен

«Еҥым эмлаш - мыйын пўрымашем»

Ялыште медицина пашаеҥ - пагалыме да почетан профессий. Тудо эре кўлешан лийын да ончыкыжымат лиеш. Еҥ-влак медицина пашаеҥ деке эре кугу ўшан дене мият, кеч-могай чер дечат эмлен кертыт манын ўшанат.
Ялыште медицина пашаеҥ эре калык шинча ончылно. Такшым ялыште кажне айдемын илышыже чылалан раш коеш. Сандене тушто ондалаш, шоя чапым налаш шоныманат огыл. Вигак тўжваке лектеш. «Тудо еҥ-влакын пагалымашыштым пашаж дене сулен» манме ой чылалан келшен ок тол. Но тыгай пагалымашым сулышо-влак лийыныт да ончыкыжымат лийыт. Ик тыгай еҥ, шкемын кувавам нерген, таче мутым лукнем. Тиде Мишкан рўдӧ районный больницын терапевтический отделенийын медсестраже Ф. Я. Гизитдинова.
Фарида Явдатовна медицина пашаеҥ лияш изинекак шонен. Шке мутшо почеш, Кигазытамак ялыште фельдшерым поро кумылан да еҥ-влак деке тўткӧ улмылан кӧра изижге-кугужге пагаленыт. Ош халатан тиде ўдырамашын образше тудлан эре пример лийын.
8 классым тунем пытарыме деч вара кувавам медицинский училищыш пурен. Тунемаш неле, но оҥай лийын. 1983 ийыште медучилищын выпускникше-влакым распределений почеш районлашке колтеныт. Мыйын кувавам шочмо Мишкан районышкыжо пєртылын. Медсестра должность дене паша корныжым тўҥалын. Тудо эре «еҥым эмлаш - мыйын пўрымашем манеш».
Фарида Явдатовна шарналта, тўҥалтыш жапыште паша нелын чучын, иктаж-мом йоҥылыш ыштем манын лўдын. Но отделений вуйлатышын, пашам пырля ыштыме коллегыже-влакын полшымышт дене чыла нелылык сеҥалтын.
Жап эртыме семын ўдырамашын профессиональный опытшо погынен, пашам ышташ куштылгырак лийын, черле-влакым лўдде приниматлен. Уколым ышташ да моло медицинский процедурылан сайын тунем шуын. Тений августышто Ф. Я. Гизитдинован еҥ-влакын тазалыкыштым аралыме пашам тўҥалмыжлан 38 ий темеш.
Кужу жап пашам сайын ыштымыжлан ик гана веле огыл район тудлан Чап кагазым да Тауштыме серышым кучыктен.
Кувавамын ўшанле полышкалышыже да пеҥгыде эҥертышыже Данис Ахматович пелашыже лийын. Тудын дене изинекак пырля кушкыныт. Кувавам йєратыме рвезыжын армий гыч пєртылмыжым вучен, 1983 ий октябрьыште нуно мужыраҥыныт.
Самырык еш Мишканыште илаш тўҥалын. Тыште нунын Радик, Артур да Марсель эргышт-влак шочыныт. Нуно чыланат кўкшӧ образованийым налыныт. Кугурак-влакын шке ешышт уло. Чаманаш веле кодеш, 2012 ийыште кочана колен колтен. Кувавамлан ойган неле жапым чытен лекташ икшывыже ден уныкаже-влак полшеныт. Каныш кечылан ме чылан тудын суртышкыжо чумыргена. Тиде жап куваваланна эн пиалан кечыш савырна. Вет тудо йєратыме уныкаж-влак дене пырля лиеш. А нунышт визытын улыт.
Ойлат, пиал - тиде кунам кастене паша гыч мӧҥгӧ кайыме шукта, а эрдене - пашашке. Тиде ойым шотыш налаш гын, Фарида Явдатовна пиалан улеш. Тудын йӧратыме да йӧратыше ешыже, пашаже улыт.
Карина ГИЗИТДИНОВА.

Автор:Фирдаус Кадикова