Келшымаш
+3 °С
Облачно
Все новости
Тазалык
5 Сорла , 12:27

Бриллиант сўан

Уялыште илыше Павловмыт 60 ий пырля илат

Бриллиант сўан

Пўрымаш могай лийшашым ончылгоч нигє раш каласен ок керт. Коклан вате ден марий икте-весыштым ала-кушто тораште вашлийыт, коклан – шочмо ялыштыштак. Павловмыт икте-весыштым шочмо ялыштыштак изинек муыныт манаш лиеш. Нуно коктынат 83 ий ончыч Уялыште шочыныт. Рашрак лияш гын, Мишкан селасе роддомышто. Коклаштышт ик кече веле: Соня Исанбаевна 28 июньышто шочын гын, Константин Павлович – 29 июньышто. Ончыкылык вате ден марий икымше гана Мишкан селаште роддомышто палыме лийыныт манын кертына, вет нуно тушто ик жап йыгыре киеныт – ава-влак Янипа Байрамаловна ден Пайралче Губеевнам ик палатыште вера‰дыме улмаш. Изиш кушмеке, коктын пырля Мишкан кандашияш школышто тунемыныт. Кугурак классаште тунеммышт годым рвезе ден ўдыр шўм-влак коклаште йєратымаш тул ылыжын. 1957 ийыште Соня Исанбаева (ўдыр фамилийже) йєратыме рвезыжым армийыш ужатен. Константин Павлович Владивосток олаште зенитно-ракетный войскаште служитлен. Нунын кокласе йєратымаш тулым кум ий жап йєртен кертын огыл. 1960 ийыште Константин Павлович армий гыч пєртылын, 1961 ийыште Уялыште у еш шочын. - Ме чыла пашамат пырля, икте-весылан полшен, келшен ышташ тыршенна да тыршена, - ойлат вате ден марий. – Вурседылаш тыршен огынал. Сыренна гынат, вашке поремынна. Еш илышыште єпкелымашым монден моштыман, изи ситыдымашым ужаш тыршыман огыл. Кажне ошкылышто ситыдымашым ужаш тыршет гын, пиалан от лий. Келшен илыше ешыште ныл эрге да кок ўдыр шочыныт – Роберт, Радик, Игорь, Прохор да Людмила ден Надежда. Кызыт коча ден кувавам 11 уныка да 5 кугезе уныка куандарат. Павловмыт деке пурышо-влак виклан сурт кєргыштє алал кумыл озаланымым палемдат. Константин Павловичч да Соня Исанбаевна дене илыш нерген мутланен кумыл нєлталалтеш. Нунылан илышыштышт шагал огыл нелылыкым ужаш пернен гынат, поро кумылан да илышлан ўшаныше кодыныт. Илыш корно дене нуно коктын эртеныт да икте-весыштлан эре пе‰гыде э‰ертыш лийыныт. 60 ий жапыште, конешне, сырымаш тат-влакат, кумыл нєлтын илымаш жапат лийыныт. Но илышыште перныше текшырымаш-влак нуным шуареныт веле. Икманаш, нуно пе‰гыде ешым чо‰ен да тудым ўмыр мучко арален кертыныт. Павловмыт пашан ветеранже улыт. Кужу жап нуно «Мишкан» совхозышто пашам ыштеныт. Ик жап гыч ыштыме озанлыкыштым «Заря» мўкшым ончышо совхозыш савырыме. Соня Исанбаева озанлыкыште доярка лийын ыштен. Пенсийышке 1988 ийыште 50 ийым темымекыже лектын. Константин Павлович 40 ий механизатор лийын ыштен. Пенсийыш лекмыж деч ончыч куд ий 150-ше ПУ-што производственный туныктымаш мастер лийын. Тений Всероссийский еш, йєратымаш да ўшанле улмаш кечын Мишкан район МР администрацийыште кужу жап пырля илыше еш-влакым жаплыме. Нунын коклаште Павловмыт ешат лийын. Нунылан Башкортостан Республик вуйлатыше деч салам серыш ден пєлекым кучыктымо. Тыгай жаплымаш деч вара нуно шўм чонышт дене уэшын самырык жапышкышт пєртылыныт да пўтынь илыш-корныштым шарналтеныт... Вате ден марийын шо‰гылыкышт ару да йо‰гыдє пєртыштышт эрта. Окна ончылнышт мотор герань пеледеш. Тиде герань оръе‰ын пеледыш аршашыжым ушештара. Пырдыжыштышт 60 ий ончыч возалтме фотографийышт кеча. Йєратымаш тул вате ден марийын шўм-чоныштышт алят йєрен огыл. Нуно таче мартеат икте-весыштым аклен, пагален да йєратен илат. Мемнан мийыме кечын Константин Павлович Гармоньым лукто да ямле марий семым шокташ тў‰але, а Соня Исанбаевна ныжыл мурым муралтыш. Ме ўшанена: ямле сем ден ныжыл марий муро нунын ўмрыштым эше кужемдаш полшат. Светлана ТОЙМУРЗИНА.

Бриллиант сўан
Автор:Светлана Тоймурзина