Суртышто шинчена

Суртышто шинчена

Башкортостан Республик вуйлатыше Радий Хабиров «Воскресный вечер с Владимиром Соловьевым» передачыште республикыштына лӱдыкшӧ уке, вирус шарлымаш сорлыклалтеш манын каласен.

Икымше йодыш – самоизоляций. Ме кызыт чыланат самоизоляцийыште улына, калык тидын дене келшен. Кокымшо йодыш

экономика дене кылдалтын. Вирус-влак толыт да каят, но ончыкылык нергенат шоныде ок лий. Вирус дечын лӱдын экономикым

шалатена гын, пеш неле ситуацийыш логалына да тушечын лекташ йӧсӧ лиеш. Тидлан кӧра ятыр предприятий самоизоляций жапыштат пашам ышта, нуно тидын годым санитарно-эпидемиологический правил-влакым пеҥгыдын шуктат. Ме мыланна,

регион-влаклан, ятыр полномочийым пуымылан таум ойлена. Нине полномочий-влаклан кӧра ме верысе ситуацийым эскерен да келшыше мерым шке приниматлен кертына. Экшык да йоҥылыш лиеш гын, мутым, конешне, шкаланна кучаш перна. Кумшо – медициным эн уда сценарийлан ямдылыман. Мо лийын кертшашлыкым нигӧ эше ок пале. Нылымше – неле ситуацийыш логалше-влаклан полышым ончыктыман. Тиде ныл пашам шуктена гын, логалме ситуаций гычын нелылык деч посна лектына, - палдарен Р. Хабиров.

Радий Хабировын мутшо почеш, 12 арня жапыште у инфекционный больница чоҥалтшаш. Тушто 500 еҥ эмлалтын кертеш.

Аптекылаште маска-влак укелык кораҥдалтеш, медицина учрежденийласе персоналлан посна материал-влак гыч ургымо костюм-влакым ситарыман.

Коронавирусный инфекций шарлымашым Мишкан районыштат сорлыклаш тыршат. Тидын верч ятыр мероприятий эртаралтеш. Мишкан район МР администраций вуйлатыше П. Трапезников пеҥгыдемдыме список почеш пашам ыштыше организаций пашаеҥ-влаклан, пашашкышт кошташ чарак ынже лий манын, посна справка-влак пуалтыт.

Рӱдӧ районный больницыште тиде жапыште пашам ышташ чыла йӧн уло. Больница пашаеҥ-влаклан интсруктажым лудмо. Черле-влак онлайн возалтмаш гоч приниматлалтыт, тӱрлӧ ийготан-влак тӱрлӧ жапыше мият: эрдене 60 ияш да кугурак-влакым приниматлат, 10 гыч кечывал марте – 40-60 ияш-влакым, кечывал деч вара – 40 ийыш шудымо-влакым.

Шуко пачеран пӧртласе подъездлаште дезинфекцийым ыштат.

Тиде пашам «СтройПроект» ООО пашаеҥ-влак шуктат. Павильонлаште дезинфекцийым ыштымашке «Башкортостан Республикыште гигиена да эпидемиологий рӱдер» ФБУЗ-ын Пӱрӧ, Нефтекамск олаласе да Дуван районысо рӱдер пашаеҥ-влак ушалтыныт. Кеч-могай дезинфекций шарлымашым шўкым жапыштыже шупшыктымаш сорлыклаш полша. Тидлан кӧра тиде пашат тӱткын эскералтеш.

Мишкан селаште тўрлє сатулан ак текшырен шогалтеш. Поснак тыгай сату тергалтеш: ложаш, шӱраш, лашка, кечывӧртмӧ ӱй, шикар, кинде да ложаш гыч ыштыме тӱрлӧ кочкыш, шыл да шыл продукт, шӧр, шӧр гыч ыштыме тӱрлӧ кочкыш, муно, пакчасаска (пареҥге, шоган, ковыштан, кешыр, помидор, пурыс).

Олма, банан, виноград, апельсин, мандарин да моло емыжлан ак ок тергалт.

Акым текшырымаш тудым амал деч посна кӱзыктымым рашемден огыл.

Полиций пашаеҥ-влак район мучко илемласе уремлам патрулироватлат, нунылан калык дружинник-влак полшат – калыклан

самоизоляцийым пудырташ огыл кўштат. Районысо калык ситуацийым умыла. Режимым пудыртышо-влак дене мутланымаш

эртаралтеш. Самоизоляцийым пудыртымо вич факт почеш текшырымаш материал-влакым погымо.

Ушешатрена: законым пудыртымылан штраф пышталтеш. 6 апрель гыч БР-те йоча-влакым дистанционно туныкташ тӱҥалме. Тыгай йӧн дене туныктымашке районысо чыла школ куснен. Онлайн йӧн дене 1922 йоча тунемеш, 1081 еҥ заданий-влакым электронный почта дене налеш. 90 наре тунемшылан заданий-влакым суртышкышт школ автобус дене намият.

Шуко икшыван ешыште кушшо йоча-влаклан (781 еҥ) да инвалид йоча-влаклан (309) кугарня еда кукшо паёкым намияш тӱҥалыт.

Икымше категорийлан кукшо паёкын акше 45 теҥге лиеш, кокымшо категорийлан – 100 теҥге. Башкирийыште икымше классыште тунемше-влаклан кажне кечын БСТ, Башкортостан 24, Вся Уфа, ЮТВ телеканал-влак дене телеурок-влак эртаралтыт. Нуно

тыгай предмет-влак дене лийыт: литературный лудмаш, руш йылме, математика, йырысе сандалык, ИЗО, технологий, музыка.

Телеурок-влак лӱмлӧ еҥ дене эртарыме «Виш урок» деч вара эртаралтыт.

Районысо пагалыме калык! Эше ик гана ушештарена: суртда гычын амал деч посна ида лек! Коронавирусный инфекций

шарлыме шотышто Мишкан районышто йӱдшӧ-кечыже оперативный штабын «шокшо линий» номерже пашам ышта: 8(347)492-

19-92 але 2-21-88. Тиде номерыш йыҥгыртен, коронавирусный инфекций шотышто тӱрлӧ йодышым пуэн, иктаж илалше але лушкыдо тазалыкан еҥлан полышым ончыкташ, волонтер-влак дечын кочкыш ден эмым налаш полышым йодын, йот эл гыч але РФ-н вес регионлаж гыч шукерте огыл толшо еҥ-влак нерген увертарен кертыда.

Фирдаус КАДИКОВА.