+13 °С
Облачно
Тазалык
31 Декабря 2020, 21:00
Оперативный штаб пашам ышта
Мишкан район МР администрацийыште коронавирусный инфекций шарлымым ончылгоч кораҥдаш виктаралтме шотышто оперативный штабын заседанийже эртен.
Оперативный штаб пашам ышта
Заседанийым район администраций вуйлатыше П. Трапезников вӱден.
Районысо ситуаций да инфекцийым ончылгоч кораҥдаш виктаралтше паша дене Мишкан ЦРБ-н тӱҥ врачше И. Абзалтдинов палдарен. Ильдар Жановичын мутшо почеш, тачысе кечылан калыклан лӱдыкшӧ уке – коронавирусный инфекций районышкына толын шуын огыл.
Район администраций вуйлатышын социальный йодыш да кадр-влак шотышто заместительже Л. Александрова профилактический группа-влакын пашашт дене палдарен, РФ-н моло - коронавирусный инфекций кумдан шарлыме кундемлаж гыч пӧртылшӧ еҥ-влакын самоизоляцийыште улмыштым текшырыме шотышто пашашт дене палдарен. Тыгак тиде пашашке 18 ийым темыше але кугурак 18 волонтер ушнаш ямде улмым палемден.
Россий МВД-н Мишкан районысо отделжын начальникше Л. С. Худойназаров увертарен: добровольный калык дружина, сельский поселений вуйлатыше, староста да волонтер-влак дене пырля илемлаште, калык самоизоляцийыште лийже манын, патрулирований эртаралташ тӱҥалеш.
Тӱрлӧ сатулан акым да магазинлаште эн кӱлешан сату лиймым эскерыме нерген район администраций вуйлатышын предпринимательский пашам вияҥдыме шотышто заместительже Д. Муртазин палдарен. Тудо тыгак увертарен: лишыл жапыште петыралтше магазин-влак ден самоизоляций режимым эскерымаш тергалташ тӱҥалыт.
Фирдаус КАДИКОВА.
