Чер шарлыме ваштареш кумалтыш мут

Чер шарлыме ваштареш кумалтыш мут

«Тӱрлӧ йылман тӱрлӧ калыкын шке Кугу Юмыжо уло. Шкендан Юмыда деке мелын лийза, шотлыза, аклыза, кумалза Юмыланда.

Марий калыкын эн виян Кугу Юмыжлан Ош Сандалык Тӱҥ Юмо шотлалтеш. Тудо чыла юмымат виктара. Тӱня Юмын кидыштыже, ӱнарыштыже – Кава Юмын, тыгак Тылзе, Шӱдыр, Мардеж, Пыл, Волгенче, Кӱдырчє юмо- влакын, Вӱд Аван, Вӱд суксын юмыштын вийышт. Ош Кече Ава Кугу Юмым сӧрвален йодына гын, чыла вийжат, ӱнаржат толын шогаш тӱҥалыт.

Ош шемер марий калыкем, тендан деке Мер Юмо мелын лийын шога, чыла вере аралаш тырша. Мланде Ава, Мланде Кугу Юмо шке вийышт дене тӱрлӧ перкем виктарен шогаш тыршат. Шочынава Кугу Юмо тазалыкым пуаш, чер деч аралаш тырша. Кугу Пӱрышӧ шочаш, илыш тукымым ончыко шуяш тырша. Ме Юмын велыш лийына гын, нимогай чержат, нимогай осалжат огыт сеҥе. Ме марий калык верч веле огыл, вес йылман калыкланат мелын лийын кумалын шогена. Тиде осал шучко черым кумалме, пелештыме дене сеӹен кертына. Алал лийже».

Ош Поро Кугу Юмо, Пӱрышє, Шочынава, аралыза ешемым, родо-тукымемым, пошкудемым, марий калыкемым, воктене илыше калык-влакым, элнам, уло тӱням осал чер деч! Ош тӱняшке шочаш пӱралтын гын, илыш курымнам яндар уш-акыл, ару капкыл, таза шӱм-мокш, лывырге кид-йол дене илен эртараш лийже!

Валерий Абукаев ямдылен.