Чер дене кучедалаш ямде лийман

Чер дене кучедалаш ямде лийман

Шукерте огыл, Башкортостан Республик вуйлатышын «О введении режима «Повышенная готовность» на территории Республики

Башкортостан в связи с угрозой распространения в РБ новой коронавирусной инфекции (2019-n CoV)» пунчалже негызеш Мишкан

район МР администраций вуйлатыше тиде чер дене кучедалме шотышто оперативный штабым ыштыме нерген пунчалым луктын.

Тушко пуреныт: район администраций вуйлатыше Павел Трапезников (штаб вуйлатыше), район администраций вуйлатышын

кадр да социальный йодыш-влак шотышто заместительже Лариса Александрова (штаб вуйлатышын заместительже), гражданский

оборона да чрезвычайный ситуаций-влак шотышто специалист Дамир Латыпов (штаб секретарь), БР-се «Мишкан ЦРБ» ГБУЗ-ын тӱҥ врачше Ильдар Абзалтдинов, районысо образований отдел начальник Сергей Александров, «Еш» ЦСОН АНО-н суртышто социальный полышым ончыктымо шотышто отделений вуйлатыше Юлия Имаева, район газетын редакторжо Фирдаус Кадикова, Мишкан район МР Совет секретарь Татьяна Коледина, район администраций вуйлатышын предпринимательствым вияҥдыме шотышто заместительже Динар Муртазин, район администрацийын дела управляющийже Ринат Сафин, Россий МВД-н Мишкан районысо отдел начальник Линар Худойназаров да сельский поселений администраций вуйлатыше-влак.

Штаб ончылно тыгай задача-влак шындалтыныт: БР вуйлатышын 2020 ий 18 мартысе УГ-111 №-ан пунчалжым шукташ; районыштына коронавирусный инфекций шарлымым, потребительский рынкым текшырен шогаш, инфекций шарлымым ончылгоч

кораҥдаш тыршаш; инфекцийлан районышкына логалаш чаракым ышташ; район кӧргысӧ тӱрлӧ организаций ден предприятий-влак

коклаште коронавирусный инфекций шарлымым сорлыклымо шотышто кылым ышташ; калыкым тиде паша да БР вуйлатышын пунчалжым шукташ кӱлмӧ дене палдарен шогаш.

Оперативный штабын 27 мартыште эртыше икымше погынымаштыже район администраций вуйлатыше Павел Трапезников

выступатлен. Тудо штабын членже-влакым штаб ончылно шындыме задача-влак дене палдарен.

Ильдар Абзалтдинов инфекций шарлыме ваштареш шуктымо паша дене палдарен. Тудын мутшо почеш, рўдє районный больницыште инфекционный отделений уло, больницыште тӱрлӧ эм, маска, тест-влак запас ямдылалтын. Туге гынат, ямдылалтме паша эше шукталтеш. Калык коклаште профилактический да умылтарымаш пашам ялласе ФАП-ласе фельдшер-влак шуктат.

Лариса Геннадиевна йот элла гыч толшо граждан-влак илыме пӧртлашке текшырымаш дене кошташ кӱлмӧ да самоизоляцийыште улмыштым эскераш кӱлмӧ нерген ойлен. Тидын шотышто посна мобильный группа-влакым ыштыме. Тиде паша моткоч кӱлешан улеш – карантиным шуктымаш инфекцийлан шарлаш эрыкым ок пу.

Йот элла гыч пытартыш жапыште мыняр еҥ толмо дене Россий МВД-н Мишкан районысо отделжын пашаеҥже Юрий Айдаров рашемден.

Динар Муртазин магазинлаште продовольственный сату, индивидуальный аралтыш да дезинфицироватлыме средства-влак мыняре улмо дене палдарен. Динар Накифович палемден: кӱшнӧ палемдыме сату магазинлаште ситышын уло, акышт кажне кечын тергалтеш. Погынымаш мучаште район администраций вуйлатыше Павел Владимирович палемден: «Районыштына ситуаций лӱдыкшӧ огыл, республик вуйлатышын «О введении режима «Повышенная готовность» на территории Республики Башкортостан в связи с угрозой распространения в РБ новой коронавирусной инфекции (2019-n CoV)» пунчалжын кажне пунктшо почеш паша келшышын шукталтеш».

Мучашлан штабын членже да сельский поселений администраций вуйлатыше-влаклан калык коклаште умылтарыме пашам шукташ да карантин жапыште суртыштышт лияш ойлаш кӱштен.

Фирдаус КАДИКОВА